Bermeo Futbol Taldeak lehenengo postuan amaitu dezake liga
Bermeoko futbol taldeak Ohorezko Mailako liga lehenengo postuan amaitzeko aukera izango du, Getxo liderrak asteburuko partida galduz edo bardinduz gero. Bertokoek puntu bakarrera dute Getxo, eta horrenbestez, irabaziz gero, liga garaikurra eskualdera e...
Bermeoko futbol taldeak Ohorezko Mailako liga lehenengo postuan amaitzeko aukera izango du, Getxo liderrak asteburuko partida galduz edo bardinduz gero. Bertokoek puntu bakarrera dute Getxo, eta horrenbestez, irabaziz gero, liga garaikurra eskualdera etor liteke. Garaipena lortzeko bertoko taldeak etxeko zaleen babesa izango du Santurtziren kontrako partidan.
Hain zuzen, 17:30ean hasiko da partida, eta Xabi Iturregi taldeko jokalariaren berbetan, “zelaia jendez gainezka” egotea gura dute. Dioenez, zaleak zelaira doazela ikustea “oso pozgarria” da, eta gainera, “gogotsuago” jokatzen laguntzen die. Getxo liderraren kontra, esaterako, 3-0 nagusitu ziren zaleen laguntzagaz.
Bigarren postuan sailkatuta, bermeotarrek poltsikoan dute play off-ak jokatzeko txartela, baina lehenengo postuan sailkatuz gero, segituan igongo lirateke mailaz.
