Gernika-Lumoko Udalak 2012rako udal aurrekontua onartu zuen atzo egindako osoko bilkuran, Bildu koalizioaren aldeko eta EAJ-PNVren kontrako botoekin. Bertan jakinarazi zutenez, udalak 17.658.706,41 euroko aurrekontua izango du; iazkoagaz alderatuz, %2,26an murriztuko du aurtengo aurrekontua, hain zuzen be. Batetik, Gernika-Lumoko Udalak %3,58ko finantza-karga duela azaldu zuen herriko alkate Jose Mari Gorroñok. Izan be, aipatu zuenez, lau kreditu ditu eskatuta udalak; besteak beste, Santanape kiroldegia ordaintzeko dutena –aurten bukatuko dute ordainketa–, eta Astra eraikinari dagokiona –bost urteren buruan bukatuko dute ordainketa–. Bestalde, Iñaki Gorroño Ogasun saileko zinegotziak azaldu zuenez, Ekonomia Jardueren gaineko Zergatik (EJZ) eta Udalkutxatik eratorritako diru sarrera gutxiago aurreikusten dute; hain zuzen be, iazkoagaz alderatuz, 168.045,57 euro gutxiago jasoko ditu udalak partida horri dagokionez. Inbertsioetarako dirua Bestalde, 2012ari begira hainbat inbertsioa egingo dituztela jakinarazi zuten. Besteak beste, Gernika-Lumoko UdalakAstra eraikina atontzeko aurrekontuaren 360.000euro erabiliko dituela aipatu zuten. Horrez gain, beste 237.000 euro Santa Luzioa auzoa urbanizatzen amaitzeko erabiliko ditu. Gainera, erretiratuen elkartean igogailua jartzea aurreikusten dute, eta, horretarako, 18.000 euro erabiliko dituzte. Azkenik, Juan Kaltzada kalearen berrantolaketa-proiektuari jarraipena emonez, 385.000 euroko partida aurreikusi dute. Mugikortasun planaren ikerketari be eutsiko dio aurten udalak, eta, horretarako, 50.000 euro erabiliko ditu. Oposizio taldearen salaketa Atzoko osoko bilkuran EAJ-PNV oposizioko taldeak «batzordeetako koordinazio eza» [...]
Errigoitiko Olabarri auzoko Malluki industriagunearen egitasmoak zeresana emoten jarraitzen du. Azken urteetan sortutako kritika ugariei erantzunez, industrialdeak hirigintza legedia eta ingurumena errespetatzen dituela esan du EAJk, Bizkai Buru Batzar...
Auka Bidaiak Gernika saskibaloi taldeak herenegun esan zion agur Kadeteen Espainiako Txapeketari, final zortzirenetan kanporatuak izan ostean. Bertokoek maila ona emon dute, eta final zortzirenak jokatzeko sailkatuta, txapelketa hasi aurretik zehaztu zuten helburua bete dute. Final zortzirenetan, Puerto Portuense talde andaluziarraren kontra jokatu zuten gernikarrek. KESBeko jokalariek lehenengo zatia bizirik amaitzea lortu zuten, baina bigarren zatian andaluziarrek nagusitasun ikaragarria erakutsi zuten, eta markagailuan ihes egitea lortu zuten. Hala, gernikarrek nabarmen galdu zuten 90-63. Ligaxkaren hiru partidak irabazita, Gernika-Lumoko neskek maila oso ona emon zuten Espainiako Txapelketaren hasieran, final zortzirenak jokatzeko eroso sailkatuz. Bertokoek, lehenengo postuan amaitu zuten ligaxka Uva Ponce multzoko talderik sendoenari aurrea hartuta.
Busturialdeko ospitalaren aldeko Osakidetzako langileek eta erabiltzaileek be, helegiteak jarri dizkiete Bizkaiko Foru Aldundiaren Lurralde Zatikako Planari (LZP). Planean Gernika-Lumoko ospitala aipatzen ez dela eta, LZPan bi aldaketa egitea eskatu du...
Hainbat herritar hurbildu ziren atzo arratsaldean Nestor Basterretxea aretora Bermeoko Udalak antolatutako Inmigrazio fenomenoa Bermeon hitzaldira. Aretoa txiki geratu zen bertaratutakoentzat eta zenbait herritarrek zutik entzun behar izan zituzten aza...
Busturiko Kultura Batzordeak Axpeko kobazuloa bisitatzeko aukera eskainiko die herritarrei domekan. Bisita seme-alabekin egitea posible dela zehaztu dute eta hamabi laguneko taldeak egingo dituztela jakinarazi dute. Lehenengo taldea 10:00etan sartuko d...
Gernika-Lumoko Udalak jakinarazi duenez, Fronte Polisarioaren Euskadiko delegazioak ume sahararrak uztailean eta abuztuan herrira ekartzeko Oporrak Bakean kanpaina martxan jarri du, eta bertan parte hartu dezaketen boluntario bila dabiltza. Osasuna da ...
Bermeoko futbol taldeak Ohorezko Mailako liga lehenengo postuan amaitzeko aukera izango du, Getxo liderrak asteburuko partida galduz edo bardinduz gero. Bertokoek puntu bakarrera dute Getxo, eta horrenbestez, irabaziz gero, liga garaikurra eskualdera e...
Kosnoaga Igeriketa Taldeak maila oso ona emon du bukatu barri den eskolarteko denboraldian. Gernika-Lumoko taldeak ume mailako mutilen txapelketa irabazi du, eta podiumean sartu da bi bider gehiago. Hain zuzen, taldea bigarren postuan sailkatu da umetxo mailako txapelketa mistoan, eta hirugarren postuan sailkatu da ume mailako nesken txapelketan. Ume mailako mutilen eta nesken emaitzak batuz gero, bestalde, gernikarrek bigarren postuan amaitu dute denboraldia. Taldetik azaldu dutenez, “emaitza oso ona da txapelketan 29 taldek parte hartzen dutela kontuan hartuz gero”. Kosnoagako kideen berbetan, 2007an proiektua martxan jarri zutenetik, “taldea hazi egin da etenik barik”, eta orain, fruituak batzen hasi dira. Diotenez, “maila oso ona” emon dute taldeko zenbait igerilarik, eta etorkizunari baikor begiratzen diote. “Erronka barriei gogotsu heltzeko balio dute emaitza onek” nabarmendu dute.
Bermeoko Udaleko Ingurumen Sailak eta Berbalagun egitasmoak antolatuta Bermeon dauden sendabelarrak ezagutzeko irteera gidatua egingo dute zapatu goizean. Ingurumen astearen baitan antolatutako jarduera da etzikoa. 09:30ean ipini dute hitzordua tren ge...
Busturiko Jose Maria Uzelai herri ikastetxeak gurasoentzako jaia egingo du zapatuan eta horretarako hainbat jarduera prestatu dituzte. 11:00etan emongo diote hasiera jai egunari. Ordu horretan gurasoek ikasleek azken egunotan prestatutako ikuskizunetaz gozatzeko aukera izango dute ikastetxeko areto nagusian. Seigarren mailakoak, barriz, aurton eskola utzi beharko dutenez, agur esateko ikuskizun berezia prestatu dute. 12:30ean eskolako txikienek ikastetxeko inguruetatik ibilbide txiki bat egin ahalko dute txirrinduan. Beranduago, 13:00etan ikasle guztiek edukiko dute horretarako aukera. Ordu horretako bira luzeagoa izango da, herri guztitik ibiliko baitira. 13:30ean ikasleek bazkaltzeko geldiunea egingo dute, izan be, 14:30eatik aurrera puzgarrietan jolasteko aukera izango baitute. 17:00etarako ahotsak prest izan beharko dituzte ikasleek Irrien Lagunak karaokeari hasiera emongo diotelako eta hori amaitzerakoan Patxin eta Potxin pailazoen ikuskizunaz gozatu ahalko dute bertaratutakoek.
Azterketa sasoia kontuan izanda eta ikasteko aukera gehiago emon asmoz, Mundakako Jose Maria Etxeita udal liburutegiak ordutegi zabalagoa eskainiko du ekainaren 22a bitartean. Horrela, astelehenetik barikura goizez, 10:00etatik 14:00etara izango da zab...
Bermeoko San Martin erreka berreskuratu dute eta proiektu horrek, gainera, Bermeoko Udaleko Ingurumen sailetik adierazi duten moduan, auzo horretako ingurukoei pasealeku barri batez gozatzeko aukera eskeintzen die. «Egurrezko hesi bat ipini da erreka ertzean oinezkoei bakarrik bidea emoteko», esan dute. Bermeoko Udalak egindako proposamen baten bitartez, Eusko Jaurlaritzako Ur Agentziak garatutako proiektu baten bidez egin da Landabaso Industrialdea zeharkatzen duen San Martin errekaren berreskurapena. Lanok joan den urtarrilean hasi dira eta oraintsu amaitu dituzte. Ingurumen saileko arduradunek gogorarazi dutenez, 80. hamarkadan, Landabaso Industrialdea eraiki zenean, erditik zeharkatzen zuen San Martin erreka bideratu egin zuten, «zementuzko geruza batekin estali zen, 400 metroko luzeran, errekaren ertzei egonkortasuna emon asmoz. Modu horretan, ordura arte erreka txiki bat zena kanal artifizial bat izatera pasatu zen», azaldu dute. Naturaren lana Halanda be, urteak pasa ahala, naturak bere lana egin duela jakinarazi dute, eta harek egindako lanaren eraginez, errekaren ertzetan erreka-baso ederra sortu zela adierazi dute «balio handiko haltzadi bat, hain zuzen be». Hori gertatu zenean, aurrerago ipinitako zementua erreka-basoaren zabaltzerako «oztopo handia» bihurtu zela esan dute, «Urdaibaiko Biosfera Erreserbaren eremuan, erreka ertzak babesgune bereziak dira. Horregatik funtsezkoa da bere balio ekologikoa babestea». Bestalde, Ingurumen sailetik azaldu legez, «zementu estalkia oso irristakorra da eta errekak malda [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
