Bermeo eta Izaro abesbatzentzat izango da aurtengo Hegaluze saria
Bermeoko bi abesbatzek, Izarok eta Bermeok jasoko dute aurtengo Hegaluze saria. Sari banaketa ekitaldia datorren barikuan, hilaren 18an izango da 13:30ean Nestor Basterretxea aretoan. Ekitaldi hori gaur goizean aurkeztu duten XVIII. Arrain Azokaren baitan dago. Idurre Bideguren Bermeoko alkateak eta kontserba enpresetako ordezkariek egin dute aurkezpen ekitaldia Arrantzaleen Museoan. 1912an Bermeon gertatutako galernaren mendeurrena ospatzen da aurton eta Arrain Azokak be protagonismoa emongo dio; izan be, aurtengo izenburua Galerna 1912-2012 da. Datorren asteburuan izango da, hain zuzen be, aurtengo Arrain Azoka. 25 erakusmahai izango dira baina horietatik aparte, hainbat izango dira urtero legez Arrain Azokaren inguruan antolatutako jarduerak; salmenta simulazioak, bokartari egiten dioten eskuzko tratamendua, pintxo txapelketa, Egun bat Arrantzan erakusketa…umeentzako jarduerak be ez dira falta izango asteburuan zehar. Bestalde, jai giroa be nagusi izango da herriko kultur taldeei esker; fanfarreak, dantzak, danborradak, txistulariak, trikitilariak, panderistak, erraldoiak eta gaiteroak izango dira, besteak beste, herria alaitzen saiatuko direnak. Urtero legez, gainera, arrain freskoa jateko aukera eskainiko duen karpa ipiniko dute Lameran. Datorren barikuan 11:00etatik aurrera bisitatu ahalko dira Lameran izango diren erakusmahaiak, halanda be, hasiera ofizialaka 12:30ean izango da. Bermeoko alkateak arrantzak Bermeoko bizitza ekonomikoan duen garrantzia nabarmendu du gaurko aurkezpenean, “hori baita ardatz nagusia”, esan du. Arrain Azokaren bitartez, “kontserba-industriaren [...]
Bermeoko bi abesbatzek, Izarok eta Bermeok jasoko dute aurtengo Hegaluze saria. Sari banaketa ekitaldia datorren barikuan, hilaren 18an izango da 13:30ean Nestor Basterretxea aretoan. Ekitaldi hori gaur goizean aurkeztu duten XVIII. Arrain Azokaren baitan dago. Idurre Bideguren Bermeoko alkateak eta kontserba enpresetako ordezkariek egin dute aurkezpen ekitaldia Arrantzaleen Museoan.
1912an Bermeon gertatutako galernaren mendeurrena ospatzen da aurton eta Arrain Azokak be protagonismoa emongo dio; izan be, aurtengo izenburua Galerna 1912-2012 da. Datorren asteburuan izango da, hain zuzen be, aurtengo Arrain Azoka. 25 erakusmahai izango dira baina horietatik aparte, hainbat izango dira urtero legez Arrain Azokaren inguruan antolatutako jarduerak; salmenta simulazioak, bokartari egiten dioten eskuzko tratamendua, pintxo txapelketa, Egun bat Arrantzan erakusketa…umeentzako jarduerak be ez dira falta izango asteburuan zehar. Bestalde, jai giroa be nagusi izango da herriko kultur taldeei esker; fanfarreak, dantzak, danborradak, txistulariak, trikitilariak, panderistak, erraldoiak eta gaiteroak izango dira, besteak beste, herria alaitzen saiatuko direnak. Urtero legez, gainera, arrain freskoa jateko aukera eskainiko duen karpa ipiniko dute Lameran.
Datorren barikuan 11:00etatik aurrera bisitatu ahalko dira Lameran izango diren erakusmahaiak, halanda be, hasiera ofizialaka 12:30ean izango da.
Bermeoko alkateak arrantzak Bermeoko bizitza ekonomikoan duen garrantzia nabarmendu du gaurko aurkezpenean, “hori baita ardatz nagusia”, esan du. Arrain Azokaren bitartez, “kontserba-industriaren garrantzia eta etorkizunean dituen aukerak” nabarmendu gura dira. “Enpresak igarotzen ari diren una latzekin bat egiten dugu”, aipatu du Bidegurenek. Bestalde, Bermeoko kontserba industria sendotu beharra dagoela be nabarmendu du, “enpresen arteko elkarlanagaz eta erakundeen laguntzagaz lortuko dugu”, adierazi du.
