Asteburuko baldintza meteorologiko txarretara hoberen moldatu zen korrikalaria Ionut Zinca Gasteizen bizi den errumaniarra izan zen. Zincak hasieratik hartu zuen aurrea Tuga Arratzu Urdaibai mendi lasterketan, eta Aitor Osa bigarren sailkatuari ia bi minutuko aldea atera zion. Asteburuan podiumaren lehenengo postura igota, gainera, hirugarren biderrez jarraian irabazi zuen Arratzuko mendi lasterketa errumaniarrak. Emakumezkoetan, Oihana Kortazar mutrikuarra izan zen azkarrena. Bigarren eta hirugarren postuetan, Uxue Fraile eta Nerea Amilibia sailkatu ziren hurrenez hurren. Eskualdeko korrikalarien artean, bestalde, Imanol Goñi natxituarra izan zen onena. Goñik hirugarren postuan amaitu zuen lasterketa irabazlearengandik sei minutura, Bizkaiko Txapelketa irabaziz.
Bermeo Uria narrazio lehiaketak banatu ditu jada sariak eta Olaia Mujikaren, Adiran Casinaren, Leire Elezgarairen, Maria Fernandezen eta Leire Etxebarriaren narrazioak izendatu dituzte aurtengo onenak. Joan den barikuan, Nestor Basterretxea aretoan egi...
Auka Bidaiak Gernika saskibaloi taldeak Euskadiko Txaplketa irabazi du, kadeteen mailan. Bertokoek denboraldi bikaina egin dute, eta finalean be nagusitasunez menperatu zuten Sein Neskak Azpeitiako taldea. Hain zuzen, 74-51 irabazi zuten Malosten jokat...
Herritar talde batek deituta, diru laguntzen bidezko banaketa izateko eskaera egin eta laguntza horien kontrol handiagoa eskatzeko manifestazioa egin zuten atzo. 200 lagun inguru hurbildu ziren sare sozialen bitartez egindako deialdira. Udaletxe aurrean zuten hitzordua, ondoren herritik zehar manifestazioa egiteko. Bermeoko herritarrak «nekatuta» daudela azaldu dute talde horretako ordezkariek. Domekakoa bigarren protesta izan zen, halanda be, manifestazioak egiten jarraituko dutela jakinarazi dute. «Behar den lekura joko dugu, Bizkaiko Foru Aldundira edo Eusko Jaurlaritzara, baina entzun egin behar gaituzte», diote manifestazioa hasi aurretik. Mugimendua hasi zuten diru laguntza eske joan eta erantzuna izateko sei-zortzi hilabeteko itxaronaldia dagoela konturatu direnean. «Sahararrek herrira datozen lehenengo egunetik laguntzak izaten dituztenaren barri izan dugu. Hortaz, guk horrenbeste itxaron behar izatea ez da bidezkoa», azaldu dute haserre. «bekak, bazkaria, etxea, laguntzak… dena dute, eta gu? zer gertatazen da gurekin?», gaineratu dute. Horren inguruan protesta egiteko duten modu bakarra manifestatzea dela diote. «Laguntza horiek banatzeaz arduratzen denak gure ahotsak entzutea gura dugu, herritarren egonezina gero eta handiagoa delako, alegia». Bermeoko alkatearekin berbetan izan direla adierazi dute, halanda be, harek erraztutako datuetan «konfiantza handirik ez dutela» diote. «Guk ez dakigu zer mugitzen duten. Gauza asko esan digute, gero guzurrak izan direnak. Esan digutenez, laguntzak ez daude Udalaren esku [...]
“Obra hau oroimen kolektiboan gordeta dagoen mina adierazteko gai izatea espero dut”. Nahi hori plazaratu du Nestor Basterretxea artista bermeotarrak gaur Gernika-Lumoko bonbardaketaren 75. urteurrenean, Suak eragindako agonia obraren inau...
Gernika-Lumoko Udalak bakearen eta berradikidetzaren aldeko Gernika Sariak banatu ditu gaur eguerdian, jendez gainezka egon den Lizeo Antzokian. Jose Maria Gorroño Gernika-Lumoko alkateak sarrera labur baten azaldu duenez, bakea eta berradiskidetza “berba ederrak” dira, baina norabide horretan aurrerapausoak emoteko, “eragile guztien arteko eztabaida sustatu” behar dela deritzo. Helburua argi izanda, eta guztiek lan eginez gero, gizarteak benetako bakea lortuko duela esan du. Gorroñok berba egin ostean, Romand Herzog eguneko protagonista nagusiari emon diote nazioarteko Gernika Saria. Alemaniako presidente ohiak (1994-1999) Gernika-Lumora bertaratu ezin izan duenez, Reinhard Silberberg Alemaniako enbaxadoreak jaso du saria. Herzog-ek Gernika-Lumoko herritarrei barkamena eskatu zien 1997an, herria Condor Legioak bonbardatu zuela baieztatuz. Horrez gain, Europar Batasunak Lisboan onartu zuen Giza Eskubideen Kartaren egileetako bat da presidente ohia. Hala, saria “merezimendu osoz” jaso duela esan dute antolatzaileek. Alemaniako enbaxadorearen berbetan, “1997an Herzogek eskua luzatu zion Gernika-Lumoko herriari berradiskidetzaren alde pausoak emoteko, eta sari honen bitartez, gernikarrek bostekoa emon diote Alemaniari”. Hurrengoa saria jasotzen, Paul Riosek Lokarriko zuzendaria izan da. Zuzendariak Lokarri akordioaren eta kontsultaren aldeko herritarren sarearen izenean jaso du saria. Jakinarazi duenez, “oso berezia eta unkigarria da saria hau jasotzea”. Hitzaldi labur baten nabarmendu duenez, “garaia da alderdi politikoek bakearen alde esfortsu zintzo bat egiteko”. Hala, ETAren su [...]
“Bakea da gure konpromisoa eta autodeterminazioarena da proposatzen dugun bidea”. Gernika 1937-2012 ekimenaren izenean Sabin Ibazetak irakurri du adierazpena, foru plazan. Bertan izan dira Flandriako eta Herrialde Katalanetako ordezkariak ...
Gaur bezalako egun batean, duela 75 urte, Alemaniako Kondor Legioak Gernika-Lumo txikitu zuten. Sarraski hura gogoratzeko hainbat ekitaldi izango dira gaur. 11:00etan izango da lehenengoa, Gernika 1937-2012 ekimenak Foru plazan irakurriko duen adierazpenagaz. 12:30ean, bestalde, Gernika Sariak banatuko dituzte Lizeo Antzokian. Hain zuzen, Roman Herzog Alemaniako presidente ohiak eta Lokarrik hartuko dituzte aurten sari horiek. Sariak banatutakoan, 13:00ak aldera, Nestor Basterretxearen Suaren agonia monumentua inauguratuko dute. Unerik hunkigarrienak, ordea, sirena hotsekin batera ailegatuko dira. 15:45ean hasiko dira sirenak eta kanpaiak jotzen Gernika-Lumon, hiria suntsitu zuten ordu berean. Gainera, Kultura Batzordearen ekimenez, lau minutuko geldiunean egitera deitu dituzte herritarrak ordu horretan. Hiru gune aukeratu dituzte horretarako: Eria, Errenteriako zubia eta San Kristobal plaza. 16:30ean, urtero legez, elizkizuna eta lore eskaintza egingo dituzte Zallo hilerrian. 19:00etan, bestalde, Gernika sutan antzezlana ikusteko aukera egongo da kaleetan, hainbat herritarren parte hartzeagaz. Kandelen manifestazio isilak itxiko du gaurko egitaraua. 21:00etan abiatuko da, Foru plazatik.
Bizkaia Gernikak ligako finalaurrekoetako bat jokatuko du, final-laurdenetan Santboiana talde katalandarrari 14-18 irabazi ostean. Partida irabazita, bertokoek Baldiri Aleu zelaiko madarikazioa apurtzea lortu zuten. Izan be, katalandarren zelaian jokat...
Beñat Intxausti muxikarrak Asturiasko (Espainia) Itzulia irabazi du, asteburu euritsu baten. Muxikarrak, Asturiasen irabazi zuen lehenengo lasterketa profesionaletan, eta han irabazi du lehenengo itzulia be. Movistar taldeko txirrindulariak azken eta...
41 eta 46 urteko pertsona bi atxilotu ditu Ertzaintzak goizaldeab Bermeon, drograk saltzea egotzita. Herrizaingo Sailak jakinarazi duenez, zazpi kokaina poltsa atzeman diezkiete. 05:00ak aldera atxilotu dituzte, eztabaidan zeudela eta ertzainak haien e...
Autodeterminazioa eta independentzia lortzeko bidean elkartu diren bost pertsona dira Angel Oiarbide, Anne Arquee, Joan Vives, Steven Vergauwen eta Christopher White. Estaturik gabeko nazioetako ordezkari independentistak dira, hain zuzen be. Euskal Herriaren, Kataluniaren, Flandriaren eta Eskoziaren autodeterminazio eskubidea gauzatzea eta herrialde horiek independentzia lortzea da euren asmoa. Hala adierazi zuten, behintzat, herenegun Gernika-Lumon egindako mahai-inguruan. EPI sarearen (Independentziaren aldeko Europako Taldea) kide dira ordezkariak. «Modu baikor, eraginkor eta zorrotz» batean lan egin nahi du EPIk, Arqueeren esanetan. Bitartean, «herritarra ezin da politikarien zain geratu»; izan be, Arqueek aipatu duenez, «hiritarrak etorkizunean ahalmen handia du». Helburu bera dute, baina bizi duten egoera, ez. Hori dela eta, herrialde bakoitza zein prozesutan dagoen azaldu zuten heregenun Euskal Herriko, Kataluniako, Flandriako eta Eskoziako ordezkariek, Martxelo Otamendi Berriako zuzendariagaz batera. «Itxaropen handia dago Eskozian; ezaguna da Flandrian dagoen subiranotasun gose eta egarria; arrakasta handia izan du Nazioen Mundua mugimenduak eta badirudi Katalunian berpizte eta suspertze soberanista dagoela», azalduz eman zion hasiera Otamendik mahai-inguruari. «Bada munduan klub oso esklusiboa dena, bazkide gutxi dituena…» esanez jarraipena eman zion. Autodeterminazio erreferenduma deitzeko eskubidea onartua duten nazioen klubaz ari zen Otamendi. «Zu zara edo estaturik gabeko nazio bat, edo estatu bat zara, baina oso gutxi dira estaturik gabeko nazioak [...]
Bermeoko Udalak Euskara Biziberritzeko Plan Nagusia garatzeko aldi barriari ekingo dio. Aurton datozen bost urteetarako plangintza barria lantzen hasiko da eta prozesu hori herritarrekin batera landu gura du. Horretarako, lan-mahai desberdinak antolatu dituzte eta datozen egunetan hasiko dituzte bilerak. Euskara sailetik adierazi legez, «orain arte egindako ibilbidearen kontzientzia hartu, emondako aurrepausoak aztertu, hutsuneak eta hobetzekoak identifikatu eta, azken batean, egungo egoeraren diagnostikoa egiteko unea iritsi da». Prozesu honek, gainera, etorkizunera begira jarraitu beharreko norabidea marrazteko oinarriak edo irakasbideak eskainiko dituztela uste dute. Prozesuari hasiera emoteko , alor desberdinak lantzeko balio izango duten lau lan-mahai antolatu dituzte eta bakoitzarekin bi batzar egingo dituztela esan dute. Batzarrak Gizarte eta Kultura Etxean izango dira eta bi orduko iraupena izango dute. Lan horiek bideratzen laguntzeko Bermeoko Udalak Elhuyar Aholkularitzaren zerbitzuak kontratatu ditu. Herritar guztiak deitzen dituzte Bermeotar guztien bizipenak, proposamenak eta hausnarketak lagungarriak izango direlakoan, herritar guztiak lan-mahai horietan parte hartzera gonbidatzen dituzte, «helduak zein gazteak». Dei berezia egin gura diote, gainera, herriko gazteei, horien esku baitago euskararen etorkizuna Bermeon. Lan-mahaiak Familia, transmisioa, euskalduntzea eta etorkinak. - Maiatzaren 2an eta ekainaren 6an, 19:00etatik 21:00etara, Gizarte eta Kultura Etxean. Gazteak. - Maiatzaren 4an eta ekainaren 8an, 19:00etatik 21:00etara, Gizarte eta Kultura Etxean. Aisia, kirola, kulturgintza [...]
Sevilla (Andaluzia, Espainia) aldera jauzi bat egiteko aukera eskainiko du asteburuan, beste behin, Bermeoko Txo Sevilla taldeak. Izan be, Apirileko Feria antolatu du zapaturako eta domekarako. Urte guztietan egin bezala, aurten be, Sollubeko Cannon er...
George Steer, The Times Bilbo, 1937ko apirilak 27 Gernika, euskaldunen kultur tradizioaren bilgunea eta hiririk antzinakoena, erabat suntsita geratu zen atzo arratsaldean matxinatuen aire erasoaldi batean. Borroka lerroetatik urrun dagoen hiri ireki bat da, eta, zehazki, hiru ordu eta laurdenean aritu ziren hura bonbardatu eta bonbardatu. Aireplano ahaltsuak erabili zituzten bonbardaketan: hiru modelo alemaniar, Junker eta Heinkel bonba hegazkinak eta Heinkel gudu hegazkinak. Etengabe aritu ziren hiria bonbardatzen; 460 kiloko bonbak jaurti zituzten, eta 3.000 tik gora su jaurtigai, gutxi gorabehera, 1.000 liberakoak [0,920 kilokoak]. Gudu hegazkinek, berriz, hirigunean hegaldaka ibili ziren, eta handik kanpoalderantz metrailatzen zituzten landa aldean babestera ihesi zihoazen zibilak. Handik laster, sutan zegoen Gernika osoa. Gernikako Batzar Etxe historikoa izan ezik: euskal arrazaren agiritegi oparoa, zeinetan biltzen baitzen antzina Euskal Parlamentua. Zutunik zegoen Gernikako arbol ospetsua ere, hala 600 urteko haritz enbor zahar idortua, nola mende honetako haren kimu berri gazteak. Hemen, Espainiako erregeek zin egiten zuten Bizkaiko foru eskubide demokratikoak errespetatutko zituztela, eta, ordainetan, lealtasuna hitzeman zioten babesle gisa, Bizkaiko jaun, ez errege gisa. Santa Maria parrokia eliza ere ez zen hondatu; hango kapitulu-gela zoragarria bakarrik txikitu zuen su bonba batek. Gaur, goizaldeko ordu bietan izan naiz hirian, eta sutan zegoen, alderik alde; ikuskizun izugarriagorik. [...]
Toyoichi Ihara, Terumi Kuramori eta Kiyomi Iguro. Nagasakitik etorritako hiru japoniar dira. Bonba atomikoak sortutako kalteak pairatu zituztenak, hain zuzen be. Adin ezberdina zuten ezbeharra Nagasakira ailegatu zenean; urte bete, 9 eta 19 urte zituzten. Bakoitzak leku ezberdinetik bizi izan zuen zorigaitza; bakoitzak mosu ezberdinean. Baia guztiek dute gogoan 1945eko abuztuaren 9 hura. « Bonba atomikoa erori zen momentu hartan –1945eko abuztuaren 9an, 11:02an– zuhaitz baten gainean nengoen ni, mendian. 9 urte nituen nik orduan. Eguzkiaren izpia baino 1.000 aldiz argi gogorragoa nabaritu nuen orduan. Gainera, haize gogorraren ondorioz, lurrera erori eta konortea galdu nuen», gogoratuz azaldu zuen bizitako esperientzia. Zorionez, ez zuen zauri larririk izan Iharak, baina zerutik objektuak erortzen ikusten jarraitzen zuen. Nagasaki erdialdean gertatzen ari zenaz jabetzen hasi zen orduan Ihara. Leherkataren ondorengo orduak be ez ziren xamurrak izan Nagasakikoarentzat: «Jendea alde egiten ikusi nuen, norabiderik barik; arropa eta ilea erre-erre eginda zuten, ia-ia biluzik zeuden». Momentu hartan ez zuen Nagasakin jaurtitako bonba atomikoa ezagutzen; ezta bere ahalmen suntsitzailea be. Denbora tarte labur batean Nagasaki guztia suntsituta ikusi zuen. Guztia hegan, erreta… Bero ikaragarria zegoela gogoan du Iharak; «4.000 gradutara zegoen». 240.000 biztanle zituen orduan Nagasakik; horietatik 74.000 momentuan hil ziren eta beste 75.000, ostera, zauritu. Ezbeharra [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
