Uraren Garrantzia argazki txapelketa antolatu dute Madariaga Dorretxean
Martxoaren 22an ospatzen den Uraren Nazioarteko egunaren harira, Euskadiko Biodibertsitate Zentroak Uraren Garrantzia argazki lehiaketa antolatu du. Ur gezaren garrantzia eta berori lortzen duten inguru hidrikoenganako sentsibilizazioa handitu eta ur-i...
Martxoaren 22an ospatzen den Uraren Nazioarteko egunaren harira, Euskadiko Biodibertsitate Zentroak Uraren Garrantzia argazki lehiaketa antolatu du.
Ur gezaren garrantzia eta berori lortzen duten inguru hidrikoenganako sentsibilizazioa handitu eta ur-iturri diren ekosistema hidrikoak kontserbatu asmoz ospatzen da mundu mailan uraren eguna. Madariaga Dorretxeak, urtero legez, hainbat ekintza antolatu ditu egun hori ospatzeko. Aurton, gainera, Uraren Garrantzia argazki txapelketa antolatu du. Gura duten guztiek parte har dezakete txapelketan, hori bai, gehienez bost argazki aurkeztu daitezke. Erabili beharreko teknika librea izango da eta argazkiak paperean eta marko batean aurkeztea beharrezkoa da. Halanda be, CD batean aurkeztutako argazkiaren kopia, azalpen txiki bat eta harremanetan ipintzeko datuak agertu beharko dira.
Argazkiak martxoaren 24an eta 25ean Uraren Mundu Mailako Eguna ospatzeko Dorretxean izango diren ekintzetakoak edota ur geza iturri diren errekursto hidriko desberdinei buruzkoak izan beharko dira. Horiek gutun itxi batean bidali beharko dira Euskadiko Biodibertsitate Zentrora hilaren 31 baino lehen.
Hiru argazki onenentzako sariak izango dira. Lehenengoak nekazal turismo batean bi lagunentzako asteburu bateko egonaldia jasoko du, bigarrenak 60 eurotan baloratutako elikagai ekologikoen saskia eta hirugarrenak bi lagunentzako Urdaibaiko paduretara irteera eta Zentrora bisita gidatua.
