Ertzaintzak jakinarazi duenez, gaur 05:15 inguruan Gernika-Lumoko If lurrin-dendan lapurtu dute. Ertzaintzaren arabera, oraindik ez dute lapurretaren salaketarik jarri. Dena den, lapurretaren inguruko ikerketa martxan jarri dutela baieztatu du. Ikerket...
Denboraldia hasi bezain laster, Mikel Elgezabal triatleta gernikarrak ozeano atlantikoa zeharkatu du, bihar Kaliforniako (AEB) Oceanside triatloia jokatzeko. Lasterketa 70.3 mailakoa da, eta gogortasun handiko ibibilbidea prestatu dute antolatzaileek. Hala, kirolariek 1900 metro egingo dituzte igerian, 90 km egingo dituzte bizikleta gainean, eta amaitzeko, 21km egingo dituzte korrika. Distantziaz gain, bestalde, probaren egunean eguraldia kontuan hartu beharko dute triatletek, Kalifornian bero handia egiten baitu. Elgezabalek jakinarazi duenez, azken asteetan «entrenamendu gogorrak» egin ditu, eta «lasterketa ona» egin dezakela deritzo. Horrenbestez, «zorte apur bat» izanez gero, «aurreko postuetan» sartzeko gai ikusten du bere burua.
Gaurko greba orokorrarekin bat egiteaz gain, Foruko Rinder enpresako langileek atzo be greba egin zuten, «horien lanpostuen defentsan eta etorkizunagatik borrokan», azaldu du Enpresa Batzordeak. Enpresa aurrean kanpaldia egitea ez ezik, Rinderreko Ad...
“Altxikar auzoko mendi hegalaren ondoan bizi diren herritarrak lasaiago biziko dira aurrerantzean”, Juan Luis Landazabal Eako alkateak jakinarazi duenez. Hilabeteetako lanen ostean, Udalak amaiera emon dio herriko “gai korapilatsuenetako bati”. Izan be, maldan behera jauzi zitezkeen harriak, “loa kentzeko modukoak” zirela argudiatu du alkateak. 1999ko lehenengo lurjauzian, esaterako, haranaren sakonean lanean zegoen behargin bat hil zen, 15.000 m3 lur jausi ostean. Hala, berregokitzapen lanak amaituta, alkatea “pozarren” azaldu da 12 urteko “ibilbide gogorrari” amaiera emon baitiote. Horrenbestez, Altxikar auzoko arazoa konpontzen lagundu duten guztiak izan ditu gogoan Landazabalek: Bizkaiko Foru Aldundia, Asier Madarieta alkate ohia, eta lurren jabeak, besteak beste. Agustin Larrea proiektua egin duen enpresaren teknikariak azaldu duenez, “arazoari irtenbidea emotea ez da erraza izan”. Dioenez, 3000m3 lur kendu behar izan dituzte, eta horretarako, “kontu handiagaz” ibili behar izan dute, “harritxarrak” maldan behera erortzeko arriskua baitzegoen. Lur soltea eta harriak kendu ostean, euskarriak sartu dituzte lurzoruan, eta hiru motako sareak jarri dituzte. Guztira, 1800m2 sare jarri dituzte lurrari eusteko, eta lurzoruan sartu dituzten euskarri guztien artean, bestalde, 1.000 metroko luzera duen burdinazko makila egin zitekeen. Larrearen berbetan, “makinaria asko erabili behar izan dugu, baina emaitza oso ona dela deritzot”. Naturak bere bidea egiten duenean, mendi hegalean kolore berdea nagusituko [...]
Udalak Astran eraiki gura duen Sormen Lantegiak zeresan handia emon du azken hamabost egunetan, baina badirudi giroa baretu egin dela Bizkaiko Foru Aldundiaren eta Gernika-Lumoko Udalaren artean. Aldundiak matxoaren 8an Astrako egokitzapen obrak geratzeko lehenengo agindua emon zuen, baina udalak aginduari kasurik ez egitea erabaki zuen, lanekin jarraituz. Zenbait komunikabidetan gaiak oihartzun handia hartu ostean, bestalde, Aldundiak egokitzapen lanekin jarraitzeko baimena emon du azkenean. Hain zuzen, atzo emon zuten baimenaren barri, udalak bialdutako “azken tramitazioak aztertu ostean”. Obrak geratzeko, Astra eraikinaren egokitzapen lanen gaineko informaziorik ez zuela jaso argudiatu zuen Aldundiak, baina Jose Mari Gorroño Gernika-Lumoko alkatea ez dator bat. Gaur eguerdian egindako agerraldi baten azaldu duenez, udala Aldundiagaz harremanetan jarri zen eztabaida piztu baino lehenago, eta horrenbestez, lege hausterik ez dutela egin deritzo. “Jaurlaritzak Astra ondare kultural izendatzeko tramitazioa amaitu zuen otsailean, eta orduan, Aldundiagaz harremanetan jarri ginen” dio. Hala, ez du Aldundiaren jarrera ulertzen. Alkatearen berbetan, azken hamabost egunetan komunikabideetan irakurri edo entzun dituzten kritikek ez dute sinesgarritasunik. “Informazio guztia dugu udaletxean, eta gure kontra egin dutenak oker daudela frogatu dezakegu” nabarmendu du Gorroñok. Dioenez, salaketak eta berba gogorrak jasan behar izan dituzte “arrazoi barik”, baina ez dira “probokazioaren jokoan” jausiko. “Horrela ulertzen dute batzuk politika, baina hori [...]
Gotzon Basaraz, Nere Urrestarazu eta Lourdes Ansotegi Busturialdeko ELAren ordezkariek egueneko “greba deialdiagaz bat egiteko, eta mobilizazioetan parte hartzeko” eskatu dute, gaur eguerdian egindako agerraldi baten. “Zapaterok hasi eta Raxoik amaitu” duen murrizketa prozesu etengabea azken hamarkadetako atzerapauso handiena dela iritzita, langileriaren oihua “kalera” ateratzeko deialdia egin dute. Hala, goizean Bilbon egingo diren mobilizazioetara joateko, eta arratsaldean Gernika-Lumoko eskualde mailako manifestazioan parte hartzeko eskatu dute. Eskualdeko sindikatuek eta eragile sozialek deitu duten manifestazioa 18:30ean hasiko da, Merkurio Iturriaren ondotik. Urrestarazuk azaldu duenez, “greba eguna ez da etxean geratzeko, langileak bat eginik daudela erakusteko eguna da”. ELAren ordezkariaren ustez, urteetan zehar lan baldintzetan emon diren “aurrerapausoak bertan behera” geratu daitezke lan erreforma barriagaz. Izan be, lan erreforma egietaz gain, Alderdi Popularrak “negoziazio kolektiboaren erreforma” egitea ahalbidetuko du. ELAko ordezkariak baikor azaldu dira greba egunak izango duen harreraz berba egitean. Urrestarazuk, esaterako, grebak “harrera oso ona” izango duela esan du. “Herritarrak greba egiteko arrazoiekin bat datoz, eta kalera irtengo direla deritzogu” dio. Basarazek nabarmendu duenez, gainera, “kalean indarra egin ezean, lan erreformak aurrera egitea errazagoa izango da”. Hala, “basakeriaren aurrean” eskualdeko herritar guztiak mobilizatzea eskatu du. Beldurra berba be, ELAren ordekarien ahotan egon da. Urrestarazuk argitu duenez, “zenbait langileek greba ez egitearen [...]
Helburua beteta amaitu du domekako partida Bizkaia Gernika Rugby taldeak. Izan be, sailkapen nagusiko laugarren postua berreskuratzeko aukera aprobetxatu, eta Cetransa El Salvadorren (Valladolid, Espainia) kontra 26-14 irabazi dute basurdeek. Hartara, play off postuetara itzuli dira gernikarrak. Helburua, baina, uste baino gehiago sufrituta lortu dute gernikarrek, partida menpean izan arren. Azkenean, alabaina, erasoko bonus puntu eta guzti gailendu ziren basurdeak, eta, horri, esker, bost puntu gehitu zituzten Urbietan jokatutako partidan. Horrenbestez, VRAC Quesos Entrepinaresek (57 puntu), U.E. Santboiana SEATek (55 puntu), AMPO Ordiziak (55 puntu) eta Bizkaia Gernika Rugby taldeak (45 puntu) osatzen dituzte taularen gorengo postuak, hurrenez hurren. Hurrengo neurketa liderraren aurka izango dute basurdeek, VRAC Quesos Entrepinaresen zelaian jokatuko baitute apirilaren 1ean.
2012 Euskadi egitasmoaren baitan, Hiriak Bakean proiektua aurkeztu dute gaur, Gernika-Lumoko Elai-Alai aretoan. Proiektu horregaz bat egin dute Gernika-Lumok eta Eibarrek, eta aurkezpenean izan dira Bizkaiko udalerriko alkate Jose Mari Gorroño, Gipuzk...
Bermeoko Euzko Alderdi Jeltzaleak (EAJ) Bermeoko herria udal gobernuaren “diktadurapean” bizi dela uste du. “Hainbat denbora daramagu EAJko zinegotziak egoera larri hori salatzen”, azaldu zuten prentsaurrekoan. Behin eta barriz, “informazio falta eta eztabaida politikoa ekiditzeko prozesuen aldaketa” jasan behar izan dutela adierazi dute. Oraingoan, alkatetza dekretu bidez udal zerbitzu baten erabilera ukatu diotela jakinarazi dute. Xabier Legarreta EAJko zinegotziak atzoko prentsaurrekoan esandakoaren arabera, “otsailaren 16an EAJko udal taldeak eskari bat egin zuen Udalean, beharrezkoak diren izapide guztiak betez”. Horretan, “Bermeoko Udaleko zinegotzi diren heinean dagokien eskubideak kontuan izanik”, udal zerbitzu bat erabiltzeko baimena eskatzen zuten; hau da, Udaleko aholkulari juridikoagaz batzar bat izatea, hain zuzen be. Eskari horren erantzunari hilabete itxaron behar izateagatik kexu dira. “Gainera, ezezko erantzuna alkatetza dekretu bidez jaso dugu”, adierazi du Legarretak. Ezezkoa emoteko izan dituzten “oinarri bakarrak” hurrengoak dira EAJko zinegotzien esanetan: “Gobernu Batzordeak ez du egoki ikusten EAJko udal taldearekin batzarra egitea. Horien ustez, gainera, EAJko udal taldeko zinegotzien zereginentzat ez da beharrezkoa ikusten batzar hori. Ondorioz, batzar hori egiteak ez dio suposatzen inolako oztoporik bere eginkizunetan”. Gertatutakoa “gogor” salatu gura izan dute EAJko zinegotziek. Izan be, herriarena den zerbitzu bat, hau da, “herritar guztiok ordaintzen dugun zerbitzua” erabiltzea “ukatu eta baldintzatu diote dekretu [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
