Graffitiak bonba hotsa gogoratzeko
Gernika-Lumoko bonbardaketaren 75. urteurrena ardatz bezala hartuta, «memoria historikoa eta sormena» lotzeko helburuagaz sortu zuten Lobak proiektua gazte gernikarrek, eta momentuz, bidea egiten dabiltza. Duela gutxi, lanean hasteko hamar proie...
Gernika-Lumoko bonbardaketaren 75. urteurrena ardatz bezala hartuta, «memoria historikoa eta sormena» lotzeko helburuagaz sortu zuten Lobak proiektua gazte gernikarrek, eta momentuz, bidea egiten dabiltza. Duela gutxi, lanean hasteko hamar proiektu zehaztu zituzten, eta orain, buru belarri daude lanean proiektu horiek egi bihurtzeko asmoagaz.
Iragan zapatuan, esaterako, Astra inguruan izan ziren Lobak, trenbide ondoko horma bat arte garaikidearen adibide bihurtzeko. Arma lantegiaren ondoan, Euskal Herri osoko hamazazpi graffitigile batu ziren, 1937ko bonbardaketari buruz duten ikuspegia horman islatuz.
