Bizkaiko Urtxintxa Eskolak aisialdiko zuzendari ikastaro baten parte hartzeko aukera emongo du, martxotik aurrera. Ikastaroa Ajangizko Lurraska Ingurugiro Zentroagaz elkarlanean emongo dute, eta horrenbestez, klaseak han emongo dituzte izena emoten dut...
Bizkaiko Urtxintxa Eskolak aisialdiko zuzendari ikastaro baten parte hartzeko aukera emongo du, martxotik aurrera. Ikastaroa Ajangizko Lurraska Ingurugiro Zentroagaz elkarlanean emongo dute, eta horrenbestez, klaseak han emongo dituzte izena emoten dutenek. Ikastaroa martxoaren 16tik maiatzaren 5era bitartean emongo dute Urtxintxa eskolako kideek.
Izena emoteko epea otsailean zabaldu zuten, baina oraindik, izena emoteko aukera dute interesatuek. Hain zuzen, ikastaroan parte hartu gura dutenek martxoaren 9a arte emon dezakete izena. Horretarako hainbat aukera emon ditu Urtxintxak: Urtxintxa@urtxintxaeskola.org helbidera idatziz, www.urtxintxaeskola.org webgunea kontsultatuz, edota 944320445 telefono zenbakira deituz emon daiteke izena.
21 urte baino gehiago
Utxintxa Eskolatik jakinarazi dutenez, gutxienez 21 urte izan behar dituzte parte hartzaileek, eta aisialdiko begirale agiria izan beharko dute derrigorrez. Aisialdiko zuzendari titulua ateratzeko, bestalde, 160 euro ordaindu beharko dituzte begirale gazteek.
Eusko Jaurlaritzaren titulu ofiziala jasotzeko, 100 teoria ordu eta 120 praktika ordu egin beharko dituzte izena emoten dutenek.
