Zaharren egoitza hobeto ezagutzeko gida atera dute
Ekin Geroari antolakuntza ekimenaren baitan, Bermeoko Sancti Spiritus Zaharren egoitzak «bezero barriei eta etorkizuneko ahalezko bezeroei begira» liburuxka bat argitaratu du, «egoitza hobeto ezagutu asmoz», azaldu du Miren Lur Uriondo Bermeoko alk...
Ekin Geroari antolakuntza ekimenaren baitan, Bermeoko Sancti Spiritus Zaharren egoitzak «bezero barriei eta etorkizuneko ahalezko bezeroei begira» liburuxka bat argitaratu du, «egoitza hobeto ezagutu asmoz», azaldu du Miren Lur Uriondo Bermeoko alkateordeeak.
Zortzi orriko liburuxka da Udalak argitaratu duena. Horretan, Sancti Spiritus egoitza ezagutzen ez dutenek, «modu laburrean eta argian oinarrituta» egoitzako oinarrizko informazioari buruzko azalpenak jasoko dituzte.
Eguneroko jardueran ikusi ahal diren irudi batzuen laguntzagaz, Zaharren egoitzan aurki daitezkeen zerbitzuen, instalakuntzen eta sartzeko sistemari buruzko informazioa hurbiltzen du liburuxkak.
2.000 ale atera dituzte
Uriondok jakinarazi legez, liburuxka horren 2.000 ale atera dituzte eta herriko leku desberdinetan aurki daitezke: Gizarte Ongizaterako Patronatuan, Berh@z bulegoan, Kultur etxean, Osasun Zentroan, Liburutegian…inguruko Udalei eta Osasun Zentroei be zenbait ale bidaliko dizkie.
