Basurdeek liderra hartu gura dute menpean domekan
Domekan, partida garrantzitsua jokatuko dute basurdeek sailkapenaren goikaldean jarraitu ahal izateko. Gernikarren aurkaria La Vila (Alacant; Herrialde Katalanak) izango da. Alacanteko taldea sailkapen nagusiko lehenengo postuan dago eta 14 puntuko ald...
Domekan, partida garrantzitsua jokatuko dute basurdeek sailkapenaren goikaldean jarraitu ahal izateko. Gernikarren aurkaria La Vila (Alacant; Herrialde Katalanak) izango da. Alacanteko taldea sailkapen nagusiko lehenengo postuan dago eta 14 puntuko aldea dago talde bien artean. Bost partiduren faltan, liga irabaztea ia ezinezkoa izan arren, basurdeak aldea murrizten saiatuko dira podium postuetan jarraitzeko.
Basurdeak 42 eta 16 galdu zuten La Vilaren aurkako joaneko partida, baina domekan etxeko zaleen laguntza izango dute. 12:30etik aurrera Urbietako zelaian ikusiko dute elkar talde biek eta partida gogorra izango da. Ligako lehenengo sailkatua eta hirugarren sailkatua izango dira zelai gainean.
Momentu honetan, Bizkaia Gernikak 42 puntu ditu; bigarren sailkatuak dituen berberak. La Vilak, bestalde, 56 puntu ditu. Gernikarrak, hortaz, El Salvador taldeari bigarren postua kentzen saiatuko dira asteburuan.
