Diasporako ahotsak, oroimen kolektiborako
Belaunaldiz belaunaldi diaspora osatu duten euskaldunen testigantzak batu ditu Badihardugu Euskara Elkarteak, Euskal Diasporaren Ahotsak egitasmoa tarteko. 100 grabazio ordu baino gehiago bildu dituzte AEBn, euskal diasporako 106 pertsonen testigantzak jasoz, bost estatutan zehar. Diasporako Ahotsak webgunean jarriko dituzte aurten ikusgai.
Eman ditu lehen pausoak 24. Korrikak
Gaur hasi da euskararen aldeko lasterketa Atharratzen, eta Bilbon amaitu bitartean –hilaren 29an–, 'Euskara gara' lelopean, askotariko eragileak elkartuko ditu Korrikak. Lehenengo kilometroa Euskal Irratietako ordezkariek eroan dute. Martxoaren 26 goizaldean eskuz esku ibiliko da lekukoa Busturialdean.
Idazlan koadernoen baitako istorioetara bidaiatu dute
Irakurzaletasuna bultzatzeko 25. Idazlan Koadernoak argitaratu dituzte. Guztira, 60 lanez osatutako bi liburu kaleratu dituzte, eta jendaurrean aurkezteko aukera izan dute ikasleek.
Hamalau establezimendu aitortu dituzte euskararen erabilera sustatzeko egindako aurrerapausoengatik
Bermeoko, Mundakako eta Sukarrietako hamalau establezimenduk jaso dute udal ordezkarien aintzatespena, euskararen presentzia eta erabilera indartzeko erakutsitako konpromisoagatik.
Onintza Enbeitak jantzi du eskualdeko txapela
Busturialdeko Bertsolari Txapelketa irabazi du Onintza Enbeita bertsolari muxikarrak, Aitor Etxebarriazarragagaz buruz burukoa lehiatu ostean. Itziar Foruriak jantzi zion txapela, eta Lilibertsoren lana azpimarratu zuen txapeldunak.
Irudimena martxan jarri dute ikasleek
Denetariko gaiei buruzko eta estilo desberdinetako istorio anitzak sortu dituzte Gernika BHIko ikasleek institutuko literatur lehiaketarako. Irudimena hegan jarri dute, eta aurkeztutako lanik onenak saritu dituzte gaur (martxoak 13), Lizeo Antzokian, gonbidatu bereziekin.
Busturialdeko txapela izango dute jokoan
Busturialdeko Bertsolari Txapelketaren finala lehiatuko dute zapatuan, 18:00etatik aurrera, Astran. Onintza Enbeita, Aitor Etxebarriazarraga, Lurdes Ondaro, Asier Galarza, Mikel Retolaza, Koldo Muñiz, Janire Arrizabalaga eta Beñat Bilbao ariko dira bertan.
Gazako gerra-krimenen inguruko ikerketa ofiziala eskatu dute
Palestinarrentzako Justizia Nazioarteko Zentroak (ICJP), Global 195 Koalizioko abokatu euskaldunekin batera, Gazako gerra krimenei buruzko salaketa bat aurkeztu du, delitu penalen Espainiako Fiskaltzan. Era berean, gerra krimenak ikerketa formal baten bidez aztertzea ere eskatu du.
Korrikaren hasiera ekitaldira joateko autobusa antolatu dute
Martxoaren 19an (eguena) Korrikaren hasiera ekitaldira, Atharratzera, joan gura dutenentzako autobusa antolatu du Busturialdeko AEK-k. Izena eman behar da, eta horretarako azken eguna da biharkoa (martxoak 16).
Udal langileek beraien aldarrikapenak berretsi dituzte
Gernika-Lumoko udal langileek negoziazio mahaia eskatu dute berriro, elkarretaratzean, eta hurrengo elkarretaratzea iragarri dute: astelehenean (martxoak 23), 11:00etan, Merkurion.
Gorputza ezagutzeko tartea hartu dute Berbalagunek
Gentza Madariagaren gidaritzapean, yogari buruzko jakin beharreko oinarrizko jakintzak ezagutu dituzte Gernika-Lumoko berbalagunek, yoga saioan.
Sustabiz Fundazioak Joko eta Kirol Tradizionalen Europako elkartearen administrazio kontseilua hartuko du
2023tik da Sustabiz Fundazioa AEJeST elkarteko kide, eta aurten izango du administrazio kontseilua lehenengoz hartzeko ardura. Hori horrela, nazioarteko jardunaldia, eta, jolas eta kirol autoktonoen jardunaldia egingo dituzte barikutik eta domekara bitartean.
Busturiko Udalak ere, Atxurkulu Emakumeen Elkartearen ibilbidea nabarmendu du
Busturiko Udalak herriko berdintasunaren alde egindako lanagatik Atxurkulu Emakumeen Elkartearen lana errekonozitu du, eta elkarteak Zirgari saria jaso izanaz "poztu" da.
Saltokia lasaitasunez digitalizatu daiteke
Digitalizazioa ez da etorkizuneko aukera bat, gaur egungo beharra baizik; erronka, ordea, tresnak negozioari egokitzea dela uste du RK Solutions arlo horretan lan egiten duen enpresa gernikarrak, eta ez alderantziz. Digitalizazioak ordena ekar lezakeela uste dute.
Eguenetan ere, zesta-puntak beteko du Jai Alai
Afizionatuen mailakoen zesta-punta bultzatuko du Gernika Jai Alai Eskolak antolatu duen Eguenetan Jai Alai Txapelketak. Lehen mailako partiduak jokatuko dituzte eguenero, gaur (martxoak 5) hasita.
Garazi Calderonek irabazi du otsaileko Ezetz Jakin lehiaketa
Euskara sustatzea helburu daukan Ezetz Jakin lehiaketan 75 lagunek parte hartu dute otsailean, eta, horien artean Txuma Lopezek jaso du bigarren saria. Dagoeneko martxan dago martxoko galdetegia.
Euskarari "bidea irekitzeko" deia egin du Euskal Herrian Euskarazek
Euskaltzaleei martxoaren 9tik 15era bitartean erdaldundutako Euskal Herriko bide seinaleak ezabatzeko eta euskarari lehentasunezko lekua emateko deialdia egin du Euskal Herrian Euskarazek.
