EH Bilduren Busturialdeko eta Lea Ibarreko hautetsiek agerraldia egin dute gaur [ekainak 21] Malosteko ospitalearen aurrealdean, bertako larrialdi zerbitzuak bizi duen "arriskua" salatzeko eta osasun arloan detektatu dituzten gabeziak argitara emateko.
A kategoriako prosako zazpigarren saria eta ikastetxeen laugarren saria jaso ditu ikasturte honetako Urruzuno lehiaketan Gernika BHIk. Euskal Herriko ikastetxe arteko lehiaketa literario esanguratsuena izanik, "azken 5 urteetako ildo berean jarraitzea" espero dute institututik.
Zerbitzu horren proba pilotua Busturialdean egingo dute, zapatu honetan [ekainak 21] hasita. Lehen fase pilotua uda osoan indarrean egongo da, eta erabiltzaileen erabilera datuak jasoko dituzte, baita gehien eskaturiko ibilbideak zeintzuk diren ere. Aldunditik iragarri dute irailetik aurrera prozesu parte hartzailea zabalduko dutela.
Muxikako Gazte Egunean emandako eraso sexista guztiak eta eraso arrazista gogor salatu zituzten atzo (ekainak 17) Muxikako Kurtzeroan. Ez dutela inolako erasorik onartuko argi adierazi zuten, eta datorren urtean Gazte Eguna ez antolatzeko erabakia hartu zuten.
Itaiak Gernika-Lumoko Merkurion jarri du hitzordua gaur 19:30ean, eta Erdu Gazte Taldeak, berriz, 20:30ean, Kurtzeron. Gernika-Lumoko sare feministak eta Muxikako Udalak bat egin dute Kurtzeroko deialdiagaz, eta herritarrei bertaratzeko deia egin diete.
Aurtengo elkartasun olatuaren helburua KBG sindromea duten ume, gazte eta horien familiei laguntzea eta euren egoera ikusaraztea zen, eta antolatzaileak jaialdiaren "lehen balorazio positiboa" egin dute. Bertaratutakoei zein boluntarioei euren ekarpen eta lana eskertu diete.
20 eta 25 aldiz zein 75 eta 100 aldiz baino gehiago odola emandako 100 pertsona inguru omendu zituzten Odolkideek barikuan (ekainak 13), Gernika-Lumon.
Euskal Australiar Alkarteak urteroko bazkaria egin du gaur [ekainak 14], Gernika-Lumon. Rosemary Morris-Castico australiar enbaxadoreak elkartekideekin bat egin du aurten, eta Gernika-Lumoko udal gobernuak ongietorria egin dio.
Javier Etayo 'Tasio' diseinatzaile grafikoaren 'Alaitasuna' kartela izan da saritua, Gernika-Lumoko Kultur Etxeak eta Jai Batzordeak antolatutako lehiaketan.
Haur liburutegia aldi baterako kanpora atera du Gernika-Lumoko Kultur Etxeak, eta irailaren 19ra arte zerbitzua eskainiko du plazan, beste urte batez.
Domekan [ekainak 8] mendizale asko elkartu ziren tontorrean. Hurrengo urtean Ganekogortan egingo dute.
Deiadar Mendien Egunaren 20. aldian bilduko dira mendizaleak domekan, Oizen. 2004an Deiadar Mendien Egunaren lehen aldirako berariaz prestatutako adarra joko dute.
Dagoeneko azken ukituak adosten eta prestatzen ari dira antolatzaileak, eta laguntza eskatu dute: boluntarioak behar dituzte. Hala, boluntario izatera gonbidatu dituzte herritarrak, eta establezimenduei ere ekimenean parte hartzeko deia egin diete.
Herriko sortzaileei beraien lanak plazaratzeko asmoz, Andra Mari eta Santa Eufemia jaietako liburuan argitaratzeko deialdia zabaldu du Bermeoko Udalak. Lanak uztailaren 1a [martitzena] bitartean aurkeztu ahal izango dira.
EuskoSkills Eusko Jaurlaritzako Hezkuntza Sailak antolatutako Lanbide Heziketako lehiaketa da, eta aurten ere, Ficobako erakustazokan lehiatu dute. Altzarigintzan, Martin Aldayk urrezko domina lortu du eta Kemen Indiak zilarrezkoa, eta Aimar Barrientosek, berriz, brontzezkoa, zurgintza alorrean.
Zapatuan [maiatzak 31] 11:30ean herriko plazan egingo duten herriko produktuen erakusketagaz hasiko da ospakizuna. Txakolin dastaketa egingo dute plazan.
Ikasle eta langile ohiak bazkarian bildu ziren zapatuan [maiatzak 24], sasoi bateko Lumoko eskolan.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
