Orientazio akademiko-profesionalerako jardunaldia (Bermeo)
Bermeo. Orientazio akademiko-profesionalerako jardunaldia, Busturialdeko familiei zuzenduta, apirilaren 18an (zapatua), 10:30etik 14:00etara, Artza pilotalekuan.
DBHko 4. maila eta Batxilergoa ikasten ari diren seme-alabak dituzten Busturialdeko familiei zuzendutako ikasketa- eta lanbide-orientazioko jardunaldia izango da, seme-alaben etorkizun profesionala aukeratzeko prozesuari buruzko informazio praktikoa emateko.
Jardunaldiaren helburua da ikasleen etorkizun akademiko eta profesionalean laguntzea, prestakuntza-programek eskaintzen dituzten lan-irtenbideetan orientazioa eskainiz. Horrenbestez, familiei euren seme-alabei laguntzeko elementuak eskainiko zaizkie: prestakuntza‑eskaintzaren aurkezpena, orientazio praktikoa, unibertsitatea eta Lanbide Heziketa (erdi eta goi maila) eta irteera profesionalak.
