Olatz Arrizabalagak garaipenagaz egin du Eskuz Binakako Txapelketa Nagusian debuta, bere bikote Arrate Bergaragaz batera Ainhoa Ruiz de Infante eta Nora Mendizabali irabaziz. Domekan [urtarrilak 18] izango dute hurrego norgehiagoka, Arrasaten.
27-32 nagusitu ziren gernika-lumotarrak Avilesen, partida estu batean. Garaipen horrekin, sailkapeneko hirugarren postua eskuratu du Gernika Rugby Taldeak. Domekan [urtarrilak 18], ordea, Sant Cugat talde kataluniarra hartuko dute Urbietan, bigarren postuaren alde borrokatzeko asmoz.
Sare Herritarrak milaka lagun elkartu zituen zapatuan [urtarrilak 10] Bilbon, 'Ezin da gehiago luzatu' lelopean euskal presoei aplikatzen zaizkien salbuespenezko neurrieri bukaera ematea exijitzeko manifestazioan. Prozesuak aurrera jarraitu arren, "azken txanpan" sartu direla azpimarratu dute.
Iaz Gernika-Lumoko Batzarretxea bisitatu zuten 58.138 bisitarietatik gehienak sarrerarekin hurbildu ziren: 35.438. Bisitariak jasotzeko funtzioaz harago, Bizkaiko erakunde organo gorenaren egoitzak zeregin nabarmena izan zuen harrera instituzionalerako zentro gisa.
Busturialdeko Gizarte Zerbitzuen Mankomunitateak bi hitzaldi prestatu ditu familia eta hezitzaileei zuzenduta: batek haur eta nerabeek mugikorrekin duten harremana aztertuko du; eta, besteak, arreta gaitasunaren erronka izango du ardatz.
EH Bilduk "gernikarrentzat baliagarria den akordio bat" sinatu du Guztiontzako Herriarekin aurrekontuak aurrera ateratzeko: "Herriak behar dituen proiektuak aurrera ateratzeko ezinbestekoa den lankidetza instituzionalerako gutxieneko giroari ateak irekitzen dizkio".
Erlijioari loturiko gertakari autobiografikoak bildu ditu Markos Zapiainek ‘Ni, laiko’ liburuan. Adimen artifizialaren erabilera gorantz doan garain, "hark ez dakien zerbait idaztea" bilatu du Bermeoko bizilagunak.
Gernikazarra Historia Taldeak Gernika eta Lumoko mugetatik ibilaldia egiteko irteera antolatu du datorren domekarako [urtarrilak 11].
Bizkaiko Bertsozale Elkarteak otsailaren 6tik [barikua] 8ra [domeka] bitartean antolatu du aurten neguko bertso barnetegia, Baratze Baserri Eskolan. Izena eman gura dutenek urtarrilaren 22ra [eguena] bitartean dute horretarako aukera, elkartearen webgunean.
Biolontxeloa, trikitixa eta akordeoia probatzeko aukera zuzendu gura die 12 urtetik gorako herritarrei Gernika-Lumoko Segundo Olaeta Musika Eskolak, eta zenbait tailer prestatu ditu urtarrilerako.
Nabarnizen lehiatu dituzte Bizkaiko Zaldi Proba Txapelketaren finalak, hala maila nagusian, nola kinttopekoan.
Euskara sustatzea helburu daukan Ezetz Jakin lehiaketan 70 lagunek parte hartu dute abenduan, eta, horien artean Maribi Garciak irabazi du. Dagoeneko martxan dago urtarrileko proba.
Argiztapena hobetzen jarraitu asmoz, Elejalde auzoko 25 farola berritu ditu Foruko Udalak, sodio-lurrenezkoen ordez LED teknologia dutenak jarriz. Lanak gauzatzeko aurrekontua 84.444,81 eurokoa izan da, eta aldundiak 59.742,83 eurorekin lagundu du. Argiteria berriagaz urtean ia mila euro aurreztea aurreikusten dute.
Gernika-Lumoko Jai Alai frontoian jarritako Gabonetako umeen parkea urtarrilaren 3an (zapatua) eta 4an (domeka) egon zen zabalik, eta arratsaldeetan bildu zen jende gehien bertan.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
