Zapatuan [uztailak 5] lehiatuko dute mendi bizikleta lasterketaren hirugarren aldia, lehen edizioko ibilbidera itzulita. Matxitxako T.K.T.-k Urdaibike azoka antolatu du lehen aldiz bariku eta zapatuan, "eguneko esperientziaz gozatzeko" egitarauagaz.
Eako Udalak eraikina balioan jartzeko eta horren erabilerari bultzada emateko asmoa du, eta bide hori herritarren parte hartzeagaz egin gura du. Hala, herritarrek uztailaren 30era arte aurkeztu ahalko dituzte euren proposamenak.
Bermeoko Udalak eskatuta, LGTBI+ kolektiboaren egoera ezagutzeko udal diagnostikoa landu du Hiruki Larroxa kooperatibak, eta bihar [uztailak 3] aurkeztuko dizkiete ondorioak herritarrei, 19:00etan, Talan.
"Arrakastatsua" izan da Bermeo Tuna Jai Alai Cup txapelketa. Artza pilotalekua ia lepo bete dute ikusleek. Ruben Bailok irabazi du atzelarien kiniela; Erik Mendizabalek, aurrelariena; Bixente Gonzalezek eta Gorka Mugartegi 'Atain'-ek, bikotekakoa.
Urmuga ekimen herrikoi eta artistikoak Busturialdea eta Lea-Artibai zeharkatuko ditu uztailaren 13an eta 14an. Izan ere, hilaren 13an ekingo dio Urmugak bere Bizkaiko ibilbideari, Araban bi egun egin eta gero, Gaztelugatxetik Ereñozarreko San Migelera ailegatzeko. Hurrengo egunean, Ereñotik Ziortza-Bolibarrerainoko bidea egingo du.
Hiru hitzordu hiru leku desberdinetan. Muxikako Udalak hirugarrenez antolatu du Eguenetan ze einbizu? egitasmoa, eta etzi hasi eta uztailaren 17ra arteko eguenetarako kulturaz gozatzeko zitak prestatu ditu: dastaketa, bertso saioa eta bakarrizketak.
Busturialdea Arraun Elkartea garaipenaren jokotik urrun aritu da KAE2 ligako bigarren eta hirugarren estropadetan: laugarrena izan da hala Errenterian, nola etxean, Elantxobeko 37. Banderan.
Hilaren 9, 16 eta 23an Uda Gaztea: Crossfit kids egitasmoaren irteerak egingo dituzte. Izen ematea Bermeoko GIZen bulegoetan egin behar da.
Irailaren 30a izango da Aisialdirako Begirale Ikastarorako izena emateko epemuga, tokiak lehenago bete ezean. Urriaren 11n hasiko dute prestakuntza, eta 2026ko maiatzaren 9an amaitu.
Norbanakoek uztailaren 14ra bitartean egin ditzakete eskaerak.
Uztailaren 3an hasi eta 24ean bukatuko da, beste behin, Gernika-Lumoko Kultur Etxeak abiatutako Arbolapean kultur programa. Ziraun, Zuga, Sueder eta NAZ taldeen musikaz beteko da Seber Altube Auditorioa, eguenero.
Muruetako hilerrian irisgarritasuna eta ehorzketa baldintzak hobetzeko lanak egin dituzte. Obren kostua 86.760,81 eurokoa izan da, eta aldundiaren 60.000 euroko laguntza jaso du udalak.
Madalen eguneko protokoloa bertatik beratara ezagutu gura dutenek bihartik [uztailak 1] uztailaren 15era arte izango dute izena emateko aukera. Zozketa uztailaren 16an egingo dute. dago zabalik. Zozketa hilaren 16an egingo da.
Gernika-Lumoko Berbalagunek zapatuan eman zioten 2024-2025 ikasturteari bukaera, ohiko ibilaldiagaz eta ardo-dastaketagaz. 35 lagun bildu ziren, eta eguraldia ere aldeko izan zuten goizean zehar.
Bermeoko Udalak kanposatuko ordenantza aldatzea onartu du EH Bildu eta Guzanen aldeko botoekin. Orain, hilobitik gorpu eta gorpuzkiak ateratzea eskatzeko ez da nahikoa izango zinpeko aitorpen bat aurkeztea; hildakoaren legezko oinordetza egiaztatu beharko da.
Santimamiñe izango da MusEkintza jaialdiaren azken geltokia: bihar, 22:00etan, Golden Apple Quartet taldea ariko da bertan. Bizkaiko Foru Aldundiak bultzatutako arte eszenikoen jaialdia da Musekintza, Bizkaiko museoetan antzerki, dantza, zirku eta musika programazio zabala eskaintzen duena.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
