Bilatu
Sartu
Bilatu
  • Albisteak
    • Gaiak
      • Aisia
      • Ekonomia
      • Euskara
      • Gizartea
      • Hirigintza
      • Ingurumena
      • Jaiak
      • Kirola
      • Kultura
      • Politika
      • Udala
      • Orokorra
    • Herriak
      • Ajangiz
      • Arratzu
      • Bermeo
      • Busturia
      • Ea
      • Elantxobe
      • Ereño
      • Errigoiti
      • Forua
      • Gautegiz Arteaga
      • Gernika-Lumo
      • Ibarrangelu
      • Kortezubi
      • Mendata
      • Morga
      • Mundaka
      • Murueta
      • Muxika
      • Nabarniz
      • Sukarrieta
    • Generoak
      • Albisteak
      • Editorialak
      • Elkarrizketak
      • Erreportajeak
      • Iritzia
      • Kronikak
      • Publirreportajeak
  • Agenda
  • Multimedia
    • Argazkiak
    • Bideoak
    • Hitz eta Pitz
  • Agurrak / Eskelak
    • Zorion Agurrak
    • Eskelak
  • Zerbitzu gida
  • Bereziak
    • JAIAK
    • ARGAZKI LEHIAKETA
    • Gaztemunduri Ateak Ireki
    • HITZAren 20. urteurrena
    • Naturan barrena
    • Euskaldunak Australian
    • Xixili
    • Adimen A.
  • Nor gara
  • Publizitatea
Sartu
Kirola
Mikel Jauregizar Alboniga - Athletic Clubeko jokalaria

"Nire ibilbide guztia Athleticen egitea gustatuko litzaidake"

Athleticen lehen taldean bere lekua egin du Mikel Jauregizarrek (Bermeo, 2003): txikitako ametsa bete du denbora gutxian. Futbolaz gain, euskarak eta Bermeok bere bizitzan duten garrantzia nabarmendu ditu.

Ainhoa Astarloa Beotegi / Zaloa Iturbe San Jose
Bermeo
2026/10/22

Azken urteetan zure bizitza asko aldatu da. Athleticen partidak telebistan ikustetik San Mamesen jokatzera igaro zara.

Bai. Hasieran ez nuen sinesten. Beti egon izan naiz harmailan taldearen partidak ikusten, eta, bat-batean, hor behean nago, beti urrunetik ikusi izan ditudan jokalariekin jokatzen. Oso polita da. Baina dagoeneko kontziente naiz: buruan dut honen parte naizela.

Bermeotarra izanik, zer esanahi dauka Athleticeko lehen taldeko jokalari izateak?

Esanahi handia dauka. Txikitako ametsa betetzen ari naiz. Beti amestu izan dut Athleticekin mundu guztiaren aurka joatea, eta lortzen ari naiz. Gainera, bermeotarra edo euskalduna izanik, are politagoa da. Harrotasun handia sentitzen dut.

Zure hastapenak, gainera, ezohikoak izan ziren. Imajinatzen zenuen hasiera hoberik?

Ez, noski, ezetz. Ernesto Valverdek konfiantza handia eman zidan hasieratik. Gainera, lehen taldearekin jokatzen hasi berritan, Errege Kopa irabazi genuen: Gabarra barrutik bizitzeko aukera izan nuen. Europa Leaguea ere jokatu nuen, eta, hori gutxi balitz, Txapeldunen Liga ere bai. Denboraldi hartako talde teknikoak beti esaten zigun ez ohitzeko, izan ere, azken finean, Athleticen ez daudela horrelako urte asko. Baina hori guztia bizitzeko aukera izan genuen guztiok asko gozatu genuen, eta irrikitan gaude berriz horrelako aukeraren bat izateko.

Txanponaren bi aldeak bizitzen dira San Mamesen jokatzean? Harmailek kritikotasun puntu bat ere izan dezakete, taldea babesteaz gain.

Normala da. Maila oso onera ohitu ditugu zaleak azken urteetan, eta egia da iazko denboraldia ez zela espero genuena izan. Maila baxua erakutsi genuen, eta normala da harmailetan kritikotasun puntu hori egotea. Hala ere, Athleticzaleek txarrenetan ere babestu izan gaituzte.

Iazko egoerari buelta emateko aldaketa ugari izan ditu taldeak. Terzicen etorrera, batik bat. Zer eman dio Terzicek Athletici?

Bai Terzic, bai bere talde teknikoa, gogotsu etorri dira. Entrenamendu guztiei intentsitate eta erritmo handia ematen diete, energiaz beteriko jokora ohitu gaitezen nahi dute-eta. Egunerokotasunean asko nabaritzen da; gauzak beste erritmo batean egiten ditugu. Indartsu datozela erakutsi dute.

“Egunero entrenatzaileari nire bertsio onena erakusten eta aukera dudanean taldeari ahalik eta gehien laguntzen saiatzen naiz”

 

Aldaketekin jarraituz, aurten beste rol bat daukazu taldean. Orain arte minutu asko jokatu izan dituzu. Aurten, aldiz, lehia handia dago zelaiaren erdialdean. Nola bizi duzu rol aldaketa hori?

Ondo. Nahiz eta minutu gehiago edo gutxiago jokatu, beti egongo naiz entrenatzaileak nahi duenerako, eta, zelan ez, taldeak behar duenerako. Izan 90 minutu jokatzeko, zein ez jokatzeko, taldeari laguntzeko egongo naiz beti. Nire aldetik, egunero entrenatzaileari nire bertsio onena erakusten eta aukera dudanean taldeari ahalik eta gehien laguntzen saiatzen naiz. Esan duzun bezala, lehiakortasun handia dago erdialdean, eta hori positiboa da: beti gabiltza gure artean elkar bultzatzen eta hobetzen, uneoro taldearentzat onena bilatzeko.

Lehiakortasun horretan, besteak beste, Beñat Gerenabarrena lekeitiarra dago. Zelan ikusten duzu eman duen jauzia?

Oso ondo. Asteburuz asteburu erakusten ari den maila oso altua izaten ari da. Ni, pertsonalki, oso harro nago. Txikitatik ezagutzen gara: gehienetan elkarren aurka aritu garen arren, elkarrekin ere jokatu izan dugu Bilbao Athleticen, eta, azken finean, lagun bat Beñat erakusten ari den maila erakusten ikustea harrotzekoa eta pozgarria da.

Iazko denboraldia kaskarra izan zela aipatu duzu. Zer espero duzue denboraldi honetatik?

Daukagun taldea ikusita, nik buruan beti daukat Europan edo sailkapeneko gorengo postuetan amaitu behar dugula. Maila badaukagu horretarako, eta taldea ere bai. Hala ere, iazko denboraldia ikusita, gutxi-gutxika joan behar garela uste dut. Gure jokoa bilatu behar dugu, Terzicen gidaritzapean. Eta uste dut bide horretan gabiltzala. Iazkoa atzean uzteko gogoa dugu denok, eta taldeak izan dituen aldaketen zein Terzicen eskaeren zantzuak gure jokoan nabaritzen direla esango nuke, nahiz eta oraindik asko dugun hobetzeko.

Aldaketa batetik bestera. Ikastolatik lagun izan duzu Unai Gomez. Orain arte aldagelan ondoan izan duzu, baina aurten Udinese Calciora (Italia) egin du salto. Nolakoa da egunerokoa bera gabe?

Arraroa. Unai oso garrantzitsua zen aldagelan, eta guztiok botatzen dugu faltan. Niri, gainera, asko lagundu zidan lehen talderako trantsizio horretan, eta txikitako laguna ere bada. Aldagelan zerbait falta delako sentsazioa dugu denok. Baina bagabiltza bere pausoa jarraitzen, eta nik sarri hitz egiten dut berarekin.

Euskal Herriaren erakusle den kluba dela aldarrikatzen du Athleticek. Hori horrela, zein da taldearen egungo egoera euskararekiko?

Asko dira taldean euskaraz ez dakitenak, baina dakigunok ere bagaude: Yuri Berchiche, Alex Padilla, Oihan Sancet, Beñat Gerenabarrena edota Gorka Guruzeta, adibidez, eta Lezamako langile ugari. Gure artean euskaraz aritzeko saiakera indartsu bat nabari dut, eta horrela izan behar da, guretzat euskara garrantzitsua baita.

“Ikastolan, etxean edota lagunartean beti nagusitu da euskara nire bizitzan, eta, beraz, hautu naturala da euskara erabiltzea“

 

Zuk, gainera, beti zabaldu izan duzu euskararen aldeko aldarria, eguneroko erabilera bermatuz. Euskal erreferente sentitzen zara?

Hori larregi esatea da. Agian, gazteentzako eredu. Niretzat euskara beti izan da, eta izango da, oso garrantzitsua. Ikastolan, etxean edota lagunartean beti nagusitu da euskara nire bizitzan, eta, beraz, hautu naturala da euskara erabiltzea. Tamalez, gauzak aldatu egin dira, eta orain lameratik edo portutik gazteak gaztelaniaz entzuten dira. Kezkatzekoa da. Horri buelta emateko nire aletxoa jartzen saiatzen naiz ni, besterik gabe. Esaterako, Bermeo Futbol Taldeko gaztetxoen talde bateko entrenatzailea naiz lagun batekin, eta beti saiatzen gara osotasunean euskara erabiltzen, eta, bide batez, beraiek ere euskararekiko apustua egin dezaten ahalegintzen gara.

Bestalde, bizkarrean 18 zenbakia daramazu, horrek Athleticzaleen artean daukan esanahiarekin. Pisua du zenbakiak, ala harrotasunez daramazu?

Harrotasun osoz daramat. Nire aurretik 18a bizkarrean eraman dutenak Carlos Gurpegi eta Oscar De Marcos izan dira, Athleticen erreferente handienetako bi. Zenbakiak, beraz, eredu izateko erantzukizuna eta gogoa ematen dizkit. Behetik datozenei Athleticen urte luzez egoteko bidea zein den erakusteko erantzukizuna, hain zuzen ere.

Amaitzeko, ba al duzu buruan bete nahi duzun beste ametsik?

Ametsak asko ditut. Esaterako, nire ibilbide guztia Athleticen egitea gustatuko litzaidake. Horrez gain, taldearekin tituluak gehitzen joan nahiko nuke: Errege Kopa berriz irabaztea, edota europar tituluren bat. Buruan horiek guztiak izatea ondo dagoen arren, eguneroko lanean jarri behar dugu begirada: egunez egun hobetzean eta puntuak biltzean. Amets horiek heldu behar badira, helduko dira.

Busturialdeko albisteak euskaraz, libre eta kalitatez jaso nahi dituzu? Horretarako zure babesa ezinbestekoa dugu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.

Egin HITZAkide

Agenda

Bizkaia

Euskal Herria, Bizkaia

Zaldibarko kausan Baigorri alkate ohia ikertu behar dela berretsi du Bizkaiko Auzitegiak

Ekonomia, Bizkaia

Vicinayko langileek berretsi dute enpresaren proposamena «bidegabea» iruditzen zaiela

Euskal Herria, Bizkaia

Bilbon 47 pertsona artatu behar izan dituzte, etxe batean sua piztu dela eta

Euskal Herria, Bizkaia

Etxebarriko Bandas enpresako greba Memoria Demokratikorako Leku izendatzeko prozesua hasi dute

Bizkaiko Diputazioak zerga neurri guztiak onartzea espero du, sozialistekin edo «beste alderdiren batekin»

Berriak, Bizkaia

Hirurehun lagun bildu dira Derion, Ehun Mendietako Anaidiaren Eguna ospatzeko

Ekonomia, Bizkaia

Vicinayk kaleratu asmo dituen 60 langileen zerrenda eman dio batzordeari

Euskal Herria, Bizkaia

Ekintzaile batek bi aste daramatza zuhaitz batean, itsasadar azpiko tunelaren aurka

Busturialdeko azken berrien buletina!

Buletina barikuetan bidaltzen da, eta Busturialdeko asteko berri nagusiak biltzen ditu.

Harpidetu

Datuak ondo jaso dira. Eskerrik asko.

Izen-abizenak eta posta elektronikoa sartu behar dira.

Posta elektronikoak ez du formatu zuzena.

Arazo bat gertatu da eta ezin izan da izena eman. Jarri gurekin harremanetan mesedez eta barkatu eragozpenak (Akatsaren kodea:).

  • 94-627 10 85 / 607 29 22 23
  • busturialdea@hitza.eus / gernika@hitza.eus
  • Elbira Iturri kalea, z/g. 48300, Gernika-Lumo
  • Publizitatea
  • 94-618 72 99 / 647 35 56 54
  • busturialdea@hitza.eus / bermeo@hitza.eus
  • Atalde 17, atzealdea. 48370, Bermeo
  • Argitalpen politika
  • Aniztasun politika
  • Pribatutasun politika
  • Cookieak
Babesleak:
Hasi saioa HITZAkide gisa

Saioa hasten baduzu, HITZAkide izatearen abantailak baliatu ahal izango dituzu.

HITZAkide naiz, baina oraindik ez dut kontua sortu SORTU KONTUA

Zure kontua ongi sortu da.

Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.

Sartutako datuak ez dira zuzenak.
Zure kontua berretsi gabe dago.
 
 
 
(Pasahitza ahaztu duzu?)
 
 
SARTU
 
Pasahitz berria ezarri da eta zure helbide elektronikora bidali da.
Sartutako datuak ez dira zuzenak.
 
(Identifikatu)
 
 
 
 
BIDALI
 

Ezagutu HITZAkide izatearen abantailak eta aukeratu HITZAkide izateko gustuko modalitatea

HITZAkide izan nahi dut
Aldatu zure pasahitza
Pasa hitza ondo aldatu da.
 
 
 
 
 
 
 
Aldatu
 
Oraindik ez zara HITZAkide?

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.

Ezagutu HITZAkide izatearen abantailak eta aukeratu HITZAkide izateko gustuko modalitatea.

HITZAkide izan nahi dut

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.