Aste Kulturala, gaurtik barikura bitartean
Hirugarren aldiz, SOMEk Aste Kulturala antolatu du, musika mota desberdina antzokietara, plazetara eta nagusien egoitzetara eramateko asmoz.
Gaurtik (ekainak 16) barikura (ekainak 20) bitartean, Segundo Olaeta Musika Eskolak Aste Kulturala ospatuko du hirugarren aldiz, eta, aurten ere, Kultur Astearen ateak irekiko ditu. Herriko kultur egutegian errotuta dagoen jaialdiak egitarau zabala eskainiko du, musika desberdina antzokietara, plazetara eta baita nagusien egoitzetara ere eramango duena, eskolaren aniztasun eta konpromiso pedagogikoaren inguruko ibilbidearen baitan.
Elai Alai aretoan abiatuko da, gaur, 17:30ean, eta Kaltzada Egoitzan jarraituko du egun berean. Bertan, Trikitixako ikasleek, beren akordeoi diatonikoekin, errepertorio tradizionala hurbilduko diete herriko nagusiei. Bihar, Lizeo Antzokiko eszenatokira igoko da zikloa, Konboak taldearen emanaldiarekin; 19:30ean, ikasturtean zehar eskolak osatzen dituen talde instrumentalen erakustaldia eskainiko dute. Eguaztenean, Lizeo Antzokiak musikari gazteak hartuko ditu berriro, 17:30etik aurrera, diziplina ezberdinak uztartuko dituen saio batean.
Eguenan, berriz, bi ekitaldi izango dira: 18:30ean, Elai Alai aretoan, eta 19:00etan, Tourseko San Martin elizan, non foro sakroa eskolako errepertorioaren esparru izango den.
Itxiera ekitaldia barikuan izango da, 22:00etan, San Juan Ibarra plazan, eta Rock and Band bandak amaiera emango dio Gernikan bost eguneko egitarau musikalari. Segundo Olaeta Musika Eskolak antolatu du ekimena, eta ikasleen lanaren erakusleiho izateaz gain, tradizioaren eta memoriaren artean eraikitako hiribilduaren egunerokotasunean kultur sareak duen garrantzia gogora ekarri du berriz ere.
