Mendatako Udalak HAPOaren inguruko galdetegia zabaldu du
Apirilaren 27ra arte bete daiteke Internet bidez edo udaletxean eskuz.
Mendatako Hiri Antolamenduko Plan Orokor (HAPO) berria egiteko prozesuan herritarrek parte hartzeko fasearen laugarren eta azken saioa egin ondoren, “eta inor bere ikuspegia emateko aukerarik gabe geratuko ez dela ziurtatzeko”, inkesta bat prestatu du Mendatako Udalak.
Hain zuzen ere, interesdun guztientzat eskuragarri dago eta galdetegiaren helburua da ideiak, kezkak eta iradokizunak partekatzea. Galdetegia Internet bidez edo eskuz udaletxean bete daiteke, udaletxean 09:00etatik 14:00etara. Inkesta betetzeko eta entregatzeko epea apirilaren 27an amaituko da.
