Gipuzkoara bidaia kulturala egingo dute ibarrangelutarrek
Maiatzaren 24an egingo dute, baina izena emateko epea martxoaren 30era bitartekoa da.
Ibarrangeluko Udaletik aditzera eman dutenez, Gipuzkoara irteera kulturala egingo dute maiatzaren 24an. Egun osoko egitaraua prestatu dute, denetariko osagaiekin. 09:00retarako ipini dute hitzordua, aparkalekutik autobusez ateratzeko. Lehenik eta behin, Beasainera joko dute; bertan, Igartzako monumentuak bisitatuko dituzte.
Lazkao izango da bigarren geralekua: Lazkao Txikiren omenezko monumentua bisitatuko dute. Jarraian, Ataunen, Jose Migel Barandiaran museora, Sara etxera eta San Gregorio ur errotara joango dira. 15:00etan, Urbitarte sagardotegian jango dute. Izena emateko epemuga martxoaren 30a dela aurreratu dute, eta kultur etxean egin behar da. 58 euroko prezioa edukiko du, eta aurretiaz 10 euroko fiantza utzi beharko da.
