Gernika-Lumoko hamabi bizilagun lanean hasi dira, Herrilan programapean
Lanbide Euskal Enplegu Zerbitzuarekin eta Lanbide Ekimenak Zentroarekin lankidetzan jardun du Gernika-Lumoko Udalak; aukeratutako 12 langabetuak Herrilan programaren barruan lanean hasi dira dagoeneko, beraien prestakuntza sustatuz.
Argazkia: Gernika-Lumoko Udala. Gernika-Lumoko Udalak, Lanbide Euskal Enplegu Zerbitzuarekin eta Lanbide Ekimenak Zentroarekin lankidetzan aukeratutako 12 langabetuak Herrilan programaren barruan lanean hasi dira dagoeneko. Plan horrek, sei hilabeteko kontratua emateaz gain, etorkizunean enplegagarritasuna hobetzeko prestakuntza espezifikoa eskaintzen die, udalaren esanetan.
Langileak, kolektibo zaurgarrietakoak, iraupen luzeko langabeak edo DSBEren onuradunak, Foru Aldundiko hainbat tokitan mantentze-, lorezaintza- eta garbiketa-lanak egiteko izendatu dituzte. Horrela adierazi du Lanbide Ekimenak erakundeko lehendakari den Jon Lejarragak: “Benetako aukera da gehien behar dutenentzat. Ez da aldi baterako lana bakarrik, baizik eta inbertsioa ere bai, bere lan-etorkizunean”.
Planak, gainera, “prestakuntza-osagai” bat ere aurreikusten du. Parte-hartzaileek lorezaintzan, pinturan eta trebetasun sozialetan trebatzeko 100 ordu jaso dituzte, banakako lan-orientazioko tailerrekin osatuta. Foru herriko udal gobernuak aditzera eman duenez, 2015etik, antzeko ekimenek “65 pertsona kontratatzea ahalbidetu” dute, bide batez, “udalak enplegu inklusiboaren alde egindako apustua sendotuz”.
Gauzak horrela, gaineratu dute, Gernika-Lumoko Udalak Lanbide Euskal Enplegu Zerbitzuarekin eta Lanbide Ekimenak Zentroarekin lankidetzan aukeratutako 12 langabetu honeen lan eta formazio jarduera abuztura arte luzatuko dela. Oro har, udalak, urrats hau “parte-hartzaile bakoitzarentzat ibilbide egonkorrago baten hasieratzat” duela nabarmendu du.
