Santa Luzian etxebizitza sozialak eraikitzeko lehen urratsa, emanda
40 etxebizitzatik gora eraiki nahi ditu Gernika-Lumoko Udalak Santa Luzia auzoan, "premia handiena duten kolektiboei etxebizitza irisgarria eskaintzeko". Errenteria auzoan ere Babes Ofizialeko 14 etxe sustatuko ditu Eusko Jaurlaritzak.
Argazkia: Gernika-Lumoko Udala Gernika-Lumoko Udalak Santa Luzia auzoan etxebizitza sozialak eraikitzeko proiektua jarri du martxan. Jose Mari Gorroño alkatearen hitzetan, “asmo handiko” proiektu horroen helburua “herritar kalteberenak etxebizitza eskuratzeko aukerak izatea” da. Jakinarazi dutenez, udalbatzak arkitektura-azterlan bati agindu dio aurreproiektua idazteko, eta era berean, foru-herriaren historian zuzkidura-apartamentuen lehen blokea altxatzeko. Santa Luzia auzo “ospetsuak” hartuko ditu etxebizitzak; Nafarroa Behera kaleen arteko orube batean eraikuko dira.
40 eta 50 metro karratu bitarteko azalera izango dute udalbatzak martxan jarritako proiektupean eraiki nahi diren etxebizitzak, eta Gorroñok argi adierazi du emantzipatu nahi duten bikote gazteentzat, egoera ekonomiko ahulean dauden familientzat, edota genero-indarkeriaren biktima diren emakumeentzat izango direla bereziki bizitoki berriak: “Premia handiena duten kolektiboei etxebizitza irisgarria eskaintzea da helburua, hilean 200 euroko alokairua gaindituko ez duten etxebizitza hauekin”.
Gernika-Lumoko Udalak, aurreproiektua eta proiektu horren baitako aurretiazko azterlana, abenduaren erdierako prest izatea aurreikusten du, eta aditzera eman dutenez, kostua 15.000 eurotik gorakoa izango da. “Dokumentu horiek eskuratu ondoren, etxebizitzen kopuru zehatza zehaztu ahal izango dugu, baina gure aurretiazko itxaropena 40 bizitoki berri inguru eraikitzea da”, gaineratu du alkateak.
Horrez gain, Eusko Jaurlaritzako Etxebizitza sailak iragarri duenez, babes ofizialeko 14 etxebizitza eraikiko dira Errenteria auzoan ere, “Gernika-Lumoko beste toki enblematiko batean”. Sustapen horretarako erabiliko diren Amaiur kaleko lursailak dagoeneko udalak laga dituela nabarmendu du udalbatzak, gainera. Oro har, etxebizitza horreek 90 metro karratuko batez besteko azalera izango dute, izan ere, udal-iturrien arabera, “2.744 metro karratuko lurzati baten gainean” eraikiko dira.
Merkatuaren larritasuna.
Etxebizitzaren Euskal Behatokiaren arabera, Lurgorri-Hilerrian, Errenterian eta Lumon, besteak beste, alokairuen prezioak %22,5 igo dira 2017tik 2022ra arte, eta “nabarmen gainditu dute legeak ezarritako urteko %3ko muga”. Sinfrak sendoak dira, halaber: Gernika-Lumoko batez besteko alokairua biztanleen urteko batez besteko errentaren %30 inguru da. Gauzak horrela, bizitoki berri horien sustapena “une erabakigarrian” iritsi dela berretsi du udalak. “Bi proiektu berri horiekin, tokiko gobernuak, etxebizitza eskuragarriaren premiazko eskariari irtenbideak eskaintzeaz gain, hiri-sarea suspertu nahi dugu, gero eta anitzagoa den eta etxe duin bat lortzeko zailtasun handiak dituen biztanleriaren beharretara egokituz”, azaldu du Gernika-Lumoko udalbatzak.
