Gautegiz-Arteagan ere San Lorentzo jaiak ospatuko dituzte
Dantza eta musikaz biziki gozatzeko aukera emango du Gautegiz-Arteagako Udalak, biharko [abuztuak 10] antolatutako egitasmoaren bidez.
San Lorentzo jaiak biziko dira asteburu honetan eskualdeko zenbait tokitan. Entzunenak Lurgorrikoak diren arren, Gautegiz-Arteagak ere ospatuko ditu. Horrela, buhar [abuztuak 10] batez ere musikaz eta dantzaz gozatzeko egitaraua eramango da aurrera herrian.
11:00etan girotuko da herria, plazatik hasitako kalejirari esker. Meza entzuteko aukera ere izango da 12:00etan, eta jarraian Artie Dantza Taldearen saioak hartuko du plaza, batik bat. Eingoren dantzaldiaz ere gozatu ahal izango dute herrian, ondoren, eta gabaz, musika gaildenduko da. Izan ere, Bizkaiko Organoen kontzertua egongo da Anda Mari elizan. Organoan Javier Artigas entzuteko aukera izango da, eta baita Olatz Saituaren ahots sopranoa ere.
