Jatetxe Nabarniz hirugarren urtez jarraian nagusitu da Ispasterren
Angel Txertudik irabazi zuen joan den astean 28. Kinttope txapelketa.
Jatetxe Nabarnizeko ordezkariak manta eta txapelagaz. Argazkia: Ispasterko Udala Zaldi probek hartu dute azken asteetan Ispaster. Joan den astean 28. Kinttope txapelketa jokatu zen eta bertan Angel Txertudi busturiarra nagusitu zen. Atzo [otsailak 19] egin zuten bere txapelketako sari banaketa ere bai. Orain, berriz, zaldi-mando txapelketaren txanda izan da, eta Busturialdera joan da berriro manta eta txapela.
Angel Txertudi, sari banaketan. Argazkia: Ispasterko Udala.
Hain zuzen ere hirugarren urtez jarraian nagusitu da Jatetxe Nabaniz Ispasterko probalekuan. 71 untzeko markagaz lortu zuen garapena Kepa Zubizarretaren lan taldeak. Bigarren Fikako Garbia Alabak izan ziren 69 untze eta 3/4eko markagaz eta podiuma Gamizko Torrotengi Eraiketak izan zen 65 untzegaz.
Zumaiako Talaia Jatetxea izan zen laugarren 62 untzegaz, bosgarren Urdulizko Olea 61 untze eta erdigaz, seigarren Guriezoko Fermin Santamaria 60 untzegaz, zazpigarren Juan Uriarte aulestiarra 58 untzegaz, zortzigarren Xanarta zumaiarra 56 untze eta erdigaz eta bederatzigarren Samanoko Jose Iturriaga 56 untze eta laurdenagaz.
