Mundakarrek erabakiko dute herriko frontoiaren kolorea
Lau aukera dituzte hautatzeko. Bozkaketa Mundakako Udaleko webgunean egin daiteke.
Mundakako Udalak herriko pilotalekuan eraberritze beharrak egingo ditu eta, horien artean, kantxa margotuko du. Frontoiaren kolorea hautatzeko, mundakarren iritzia jakin gura du udal gobernu taldeak. Hori dela eta, mundakarrek aukeratzeko eman dituzten koloreen artean gustukoen dutena hautatu ahalko dute. Ondorengoak dira lau aukera posibleak: grisa, berdea, beltza eta urdina. Herritarrek botoo udaleko web orrialdean egin beharko dute. Horrez gain, mundakarrei beraien partaidetzagatik eta elkarlanagatik eskerrak eman dizkiete udal ordezkariek.
