Asteburuetako ludotekaz gozatzeko aukera dute nabarniztar gazteek
Ikasturtea amaitu bitartean asteburuetan izango dute herritarrek euskarazko jardueretan parte hartzeko aukera; zapatuetan, 18:00etatik 21:00etara eta domeketan 17:00etatik 20:00etara.
Aurten ere, asteburuetan, Nabarnizko ludotekaz gozatzeko aukera izango dute nabarniztarrek. Gizarte Lokala zabaltzea erabaki du udalak, herriko ume zein gazteek aisialdiko ekintzak euskaraz egin ditzaten.
Hori horrela, ikasturtea amaitu bitartean asteburuetan izango dute herritarrek euskarazko jardueretan parte hartzeko aukera; zapatuetan, 18:00etatik 21:00etara eta domeketan 17:00etatik 20:00etara. 5 eta 12 urte bitarteko neska mutilek baino ezingo dute parte hartu.
Zehaztu dutenez, pertsona arduradun baten zaintzapean egongo dira gazteak, eta hori Ehunzango Jolasakek jarriko du. 5 urtetik beherako umeak ere joan ahal izango dira, baina beti pertsona nagusi batek zainduta.
