Irudi lehiaketa abiatu du HITZAk
Gaia URA izango da, eta irudiak Lea-Artibai, Mutriku eta Busturialdeko adierazgarri izan behar du.
Lea-Artibai, Mutriku eta Busturialdeko 2024ko egutegiak osatzeko irudi lehiaketa abiatu du HITZAk Sortze teknika librea izango da (argazkiak, collage-ak, diseinu digitalak, akrilikoak, olioak…). Lanak sinatu gabe aurkeztu beharko dira, eta tamainari eta formatuari dagokionez, gutxienezko pisua 1MBkoa izan beharko da eta JPG formatuan modu horizontalean bidali beharko dira (argazkiak ez diren lanak DIN A4 tamainan).
Parte hartzeko, webgune bietan gaitu den IRUDI LEHIAKETA orrian datuak sartu eta irudia igo beharko da. Uztailaren 5etik irailaren 10era egongo da irudiak aurkezteko epea, eta parte hartzaile bakoitzak 3 irudi aurkeztu ahal izango ditu gehienez.
Irailaren 11tik 17ra bitartean adituen epaimahaiak 13 irudi hautatuko ditu aurkeztutako irudien artean, 2024ko egutegia osatzeko, eta horiek urtebeteko HITZAKIDE digitala harpidetza bat irabaziko dute. 13 horietatik herritarrek hautatuko dute irabazle nagusia. Herritarren bozka irailaren 18tik 24ra bitartean izango da. Bozketan nagusitzen denak IKAI VANSeko ibilgailu batean aste bukaera bat pasatzeko bonua irabaziko du.
Kontsultatu oinarri orokorrak.
