San Kristobal jaietako danborrada prestatzen hasiko dira
Umeak etzi [ekainak 16] hasiko dira entseguekin, eta nagusiak, berriz, ekainaren 22an.
Gero eta gutxiago falta da Busturiko San Kristobal jaietarako, eta Atxurkulu Emakumeen Elkarteak jaien baitan antolatzen duen danborrada prestatzen hasiko dira. Herriko ume zein nagusiek parte hartu ahalko dutela zehaztu dute, hala ere, parte hartzeko asmoa dutenek izena eman beharko dute liburutegian .
Udalerriko umeak etzi [ekainak 16] hasiko dira entseguekin, eta ekainaren 30ean eta uztailaren 4an ere batuko dira. Entsegu guztiak 20:00etan izango direla zehaztu dute Altamirako kultur etxean.
Nagusiak, berriz, hilaren 22an eta 29an eta uztailaren 4an batuko dira entseguak egiteko; 20:00etan, Altamirako frontoian.
Azkenik, ume zein nagusiak batuta, entsegu orokorra egiteko batuko dira uztailaren 6an, 20:00etan, San Kristobal auzoko plazan.
