Dantzez eta musikaz jantzitako Lorategieta
Gaur da Lorategietako jaietako egun handia, jendetza batu baita auzoan, lehenengo Elai-Alai dantza taldekoen ikuskizunean, eta gero, bazkari herrikoian.
Gernika-Lumon Lorategieta izaten da jaiak ospatzen dituen lehen auzoa, eta giro ederrean igaro dituzte festak. Zapatuan hasi ziren jaiak, txupina jaurtita, eta hiru eguneko egitaraua izan dute aurretik. Gaur da jaietako egun handia, jendetza batu baita auzoan, lehenengo Elai-Alai dantza taldekoen ikuskizunean, eta gero, bazkari herrikoian.
Ikasturtean ikasitakoak erakutsi dituzte dantzariek gaur, Gaztea Txistulari taldekoen musikari jarraituz eta denetariko dantzak eginez, eta txalo zaparrada jaso dute dantza bakoitzaren ostean. Herri bazkarian, berriz, paella dastatzeko aukera izan dute bertan bildu direnek.
Aurretik, baina, zapatuan 20:00etan bota zuten jaien hasierako txupina, eta ostean, Auzune tabernan elkartu ziren auzotaerrak, eurentzako prestatutako pintxoak dastatzeko.
Umeen txanda izan zen domekan, gaztetxoentzako jolasekin eta txokolate janagaz gozatzeko aukera izan baitzuten bertaratu zirenek. Umeen jarduerak amaitzerakoan, orkestra latindarrak animatu zituen auzokide eta lagunak.
