Elkarregaz hegaztiez gozatzen
'Inguruko Hegaztiak' proiektuarekin bat egin dute Derioko APNABI Bizkaiko Autismoaren Elkarteko kideek.
Argazkia: Urdaibai Bird Center. Urdaibai Bird Centerren Inguruko Hegaztiak proiektuarekin bat egin dute Derioko APNABI Bizkaiko Autismoaren Elkarteko kideek, eta “hegaztiez gozatzen” ari direla jakinarazi dute.
Izan ere, zentro berri bat daukete Derion, eta zentroaren inguruan dauden hegaztiak ezagutzeko asmoz, elkarteko kideek janleku batzuk jarri dituzte han eta hemen. Horiek kakahuetez bete dituzte, eta gerturatzen diren txori espezieak behatzen ari dira. “Hegaztiei buruz duten ezagutza sinestezina da, eta jakinmina, kutsakorra”, diote zentroko kideek.
APNABI elkarteko kide baten irudia. Argazkia: Urdaibai Bird Center.
