Furgoneta batek harrapatu ostean emakume bat hil da Bermeon
Istripua 11:00ak aldera gertatu da Bermeoko Atalde kalean. Istripua argitzeko ikerketa hasi du Ertzaintzak.
Segurtasun Sailetik jakinarazi dutenez, 11:00ak aldera furgoneta batek emakumezko bat harrapatu du Bermeoko Atalde kalean, “lesio larriak” eraginez, eta emakumezkoa hil egin da. Bertaratutako osasun langileak ordu erdi inguru aritu dira erreanimatzen, baina ez dute lortu suspertzea. “Osasun langileak haren bizia salbatzen saiatu badira ere, azkenean, medikuak emakumearen heriotza baieztatu du”.
Lekukoen arabera, bertako ikastetxera janaria eroaten duen furgoneta da; istripua zergatik eta zelan gertatu den argitzeko ikerketa hasi du Ertzaintzak.
