Erreka garbitu dute Muxikan, ingurumenaren garrantziaz jabetzeko
Ingurumenaren balioak sustatzeko egun aproposa izan zen, "erreka zikin ikusterakoan garbitu egin behar dela ikusaraztekoa".
Erreka garbitu dute muxikarrek. Argazkia: Urretxindorra Guraso Elkartea. Ingurumenaren garrantziaz jabetuta, eta hori zaintzeko helburuz, erreka garbitu dute Muxikan. Urretxindorra Guraso Elkarteak Erreka Eguna antolatu zuen zapatuan, eta errekako zaborra batu zuten ikasle, guraso zein herritarrek.
Ingurumenaren balioak sustatzeko egun aproposa izan zen, “erreka zikin ikusterakoan garbitu egin behar dela ikusaraztekoa”.
Hala, udaletxe aurreko plazan batu ziren, eta eskularruak eta poltsak banatu ostean, errekara jaitsi ziren. Zaborra batzeaz gain, erreka inguruko flora eta fauna ezagutzeko aukera izan zuten parte hartzaileek. Garbiketa lanak egindakoan, hamaiketakoa eta jolasetarako tartea izan zuten.
