Gautegiz Arteagako Abesbatzak kontzertua eskainiko du zapatuan
Andra Mari elizara bertaratzen direnek, Olatz Telletxearen gidaritzapean kantatuko duen korua entzuteko aukera izango dute, Ania Cid pianistak eta Xabier Alberdi biolontxelo jotzaileak lagunduta.
Gautegiz Arteagako Abesbatzak udako kontzertua eskainiko du zapatuan, 20:00etan Andra Maria elizan.
Urtero emanaldi desberdinak egiten dituzte abesbatzeko kideek, eta herrian eskainiko duten kontzertuak duen garrantzia azpimarratu du Juan Felix Naberan udalerriko alkateak: “Gautegiz Arteagako Abesbatzak eskaintzen dituen kontzertuak klasikoak bihurtzen ari dira gure herrian. Finkatutako aldea da eta herritarrak gogo bizi bertaratzen dira euren kontzertuetara”.
Andra Mari elizara bertaratzen direnek, Olatz Telletxearen gidaritzapean kantatuko duen korua entzuteko aukera izango dute, Ania Cid pianistak eta Xabier Alberdi biolontxelo jotzaileak lagunduta. Honako abestiek osatuko dute denetariko doinuz osatutako errepertorioa: Caresse sur L´ocea, Can´t help falling in love, Resistire, Txoriak txori, Lau teilatu, The lion sleeps tonight eta Itsasoa gara. “Kontzertu bakoitza bakarra eta desberdina da, eta beti arreta handia sorrarazten du. Profesionaltasun maila handia lortu dute, eta harro gaude taldekide guztiez”, nabarmendu du alkateak.
