Kontu kontari ariko dira Gautegiz Arteagan, gaur
Artian Kontu Kontari eguna antolatu dute gaurko, eta 17:00etatik aurrera, Aretxederreta kultur etxean elkartuko dira haur, gazte zein nagusiak.
Gautegiz Arteagako Udalak eta Montorre eskolak urtero egiten den ipuin lehiaketa moldatu eta Artian Kontu Kontari eguna antolatu dute gaurko, lehiaketa alde batera utzita.
17:00etatik aurrera, Aretxederreta kultur etxean elkartuko dira haur, gazte zein nagusiak eta kontu kontari ariko dira. Partehartzaileek ipuinak, istorioak, olerkiak, bertsoak, asmakizunak, txisteak, aho-korapiloak… prestatu eta aurkezteko aukera izango du.
Horiek erakutsi eta gero, ipuin kontalari baten bisita izango dute, eta, istorioa amaitutakoan, txokolate janean elkartuko dira bertaratzen direnak.
