Ekainaren 3ra arte parte hartu daiteke Muxikako Udalak antolatutako marrazki lehiaketan
2-8 urte bitartekoek libre izango dute gaia. 9 urtetik gorakoek, aldiz, 'Herriko Jaiak' izango dute gai bezala.
Muxika, Ibarruri eta Gorozikako marrazki lehiaketan parte hartzeko asmoa daukatenek, ekainaren 3a baino lehen eraman beharko dituzte lanak Zubieta Errota liburutegira.
2-8 urteko umeek gai librea izango dute. 9 urtetik gorakoek, ostera, Herriko Jaiak gaia landu beharko dute. Marrazkiak egiteko teknika librea izango da, beti ere, Din A-4 formatuan.
Marrazkiak aurkezterako orduan, parte hartzaileek, izen-abizenak, adina eta telefonoa eman beharko dituzte. Gainera, marrazkiaren atzekaldean izenburua, ezizena eta egilearen adina jarri beharko dituzte.
Epaimahaia Muxikako Udaleko kultura batzordeko zinegotziak, arte ederretako aditu batek eta herritar boluntario batek osatuko dutela zehaztu dute.
2-8 urte bitartekoeek opariak jasoko dituzte saritzak. 9 urtetik gorakoentzat, berriz, dirua egongo da; kantitateak adinaren araberakoak izango dira.
Jakitera eman dutenez, lehiaketara aurkeztutako margo lanekin erakusketa bat egindo dute Zubieta Errotan.
