Lorategietako jaiak, gaurtik domekara
Gaur iluntzeko jai hasierako txupinagaz hasiko dituzte Lorategietako jaiak. Hiru egunetarako egitaraua antolatuko dute Lorategietako Jai Batzordekoek.
Gaur 20:00etan txupina jaurti ostean, Auzune tabernan elkartuko dira auzotarrak, eurentzako prestatutako pintxoak dastatzeko.
Bihar arratsaldean jarraituko du jai giroak. 16:30etik 19:30era bitartean umeentzako jarduerak egingo dituzte, eta txokolatea ere prestatuko dute horientzat. Gaua, berriz, Basajaun taldearen erromeriagaz musikatuko dute. 21:00etan hasiko da emanaldia.
Domekan 13:00etan hasiko dute meza santua, eta ostean, kopaua egongo da bertaratzen diren guztientzat. 13:30etik aurrera, Elai Alai Dantzari Taldekoen dantzaldian batuko dira auzotarrak, eta 15:00etan herri bazkarian. Dj Pako & Urtza bikoteak musikaz beteko du auzoa, 18:00etan hasita, eta jai amaierako txupina 20:00etan botako dutela jakinarazi dute.
