Jai Batzordeko kide izan eta udako jaiak antolatzen lagundu gura duten gazteek izena eman behar dute.
Sukarrietako Udalak uste du pandemiaren aurreko normaltasunaren zati bat berreskuratu ahalko dutela, eta udako jaiak antolatu ahalko dituztela; “nahiz eta oraindik ez dakiten zein neurri eta formatugaz”. Horregatik, gazteak deitzen dituzte Jai Batzordean parte hartzera (berdin dio erroldatuta egon edo ez).
Hala, Jai Batzordeko kide izan eta udako jaiak antolatzen lagundu gura duten gazteek udala.sukarrieta@bizkaia.org helbide elektronikora idatzi ahalko dute, edota 649 56 70 61 telefono zenbakira deitu dezakete.
