Urdaibai Bird Centerrek bisitentzako ordutegia luzatuko du Aste Santuan
Egunero egongo da zabalik, 11:00etatik 19:00era arte.
Aste Santuan, bisiten ordutegia luzatuko du Gautegiz Arteagako Urdaibai Bird Centerrek. Zapatutik apirilaren 24ra bitartean, egunero egongo da zabalik, 11:00etatik 19:00era arte.
Migrazioa abian da, eta egunero izaten dituzte sorpresak hegaztien zentroan. Zankaluzeak Oruetako paduretara itzuli dira, eta hazten ikusteko aukera egongo da. Beltzaranek, borrokalariek eta abozetek ere bisitatu dute Urdaibai, eta horiez gain, identifikatu gabeko arrano arrantzaleak ikusteko aukera dago egunero. “Etortzeko hegazti gehiago geratzen direnez, udaberriko altxorrez gozatzera gonbidatzen zaituztegu”.
