Bermeoko Musika Eskolakoen Udaberriko kontzertuen txanda
Ikasturtean egindako lanaren zati bat erakusteko momentua heldu zaie Bermeoko Musika Eskolako ikasleei. Udabarriko Kontzertuak eskaintzen hasiko dira gaur, eta doan ikusteko aukera daukate herritarrek.
Gaur arratsaldean (martxoak 31) eskolako kantariek emanaldia eskainiko dute Santa Maria elizan, Musika Eskolako Koruak kontzertua 18:15ean hasiko da.
Datorren astean, berriz, zentroko kideen hiru kontzertugaz gozatzeko aukera edukiko dute bermetoarrek.
Astelehenean (apirilak 4) trikitixa eta pandero taldearen Udabarriko kontzertua 19:30ean hasiko dute Santa Eufemia elizan. Martitzenean (apirilak 5) haize eta soka taldekoen txanda izango da. 19:00etan hasiko da horien emanaldia Santa Eufemia elizan. Eguaztenean (apirilak 6) , ostera, Arrantzaleen Museoan entzungo dira musika eskolako gitarra, flauta eta piano ikasleen soinuak, 19:30etik aurrera.
Datorren asteko hiru emanaldietarako sarrera librea da, edukiera bete arte.
