Ekoetxea Urdaibaik antolatuta, bertoko zuhaitzak landatuko dituzte Undabason
Domekarako antolatu dute Zuhaitz Eguna; ezinbestekoa da aldez aurretik izena ematea.
Ekoetxea Urdaibaik Zuhaitz Eguna antolatu du domekarako. Zuhaitzak landatzeko jardunaldia Muxikako Undabason egingo dutela zehaztu dute, Urdaibai Biosfera Erreserbako harizti misto nagusienean eta Bizkaiko handienetako batean, hain zuzen. Jardunaldia Lurgaia Fundazioaagz elkarlanean egingo dute. Azaldu dutenez, 2021ean Ekoetxea Urdaibaiko jarduerak sortutako CO2 emisioak konpentsatzea dute helburu.
Landaketa 11:00etatik 14:00etara izango da; Ekoetxeatik, hala ere, autobusez joango dira Undabasoraino, eta 10:30ean jarri dute hitzordua.
Ekintza horretan parte hartu gura dutenek ezinbestekoa izango dute aldez aurretik izena ematea 94-687 04 02 telefono zenbakira deituta edo info.urdaibai@ekoetxea.eus-era mezu bat bidalita.
