'Uhinak' dokumentala jarriko dute etzi Euskal Gunean
17:00etan jarriko dute dokumentala. Jarraian, tertulia egingo dute iritziak partekatzeko.
Bermeoko Berbalagun egitasmoak antolatuta, Uhinak dokumentala ikusteko aukera egongo da Euskal Gunean, etzi (martxoak 11).
Azaldu dutenez, 17:00etan jarriko dute dokumentala. Jarraian, “tertulia laburra” egingo dutela esan dute, “iritziak trukatzeko”, 18:00etara arte.
Doan ikusi ahalko da, eta sarrera librea izango da edukiera bete arte. Izena eman gura dutenek, 607 60 95 80 telefono zenbakira deitu edo idatzi ahalko dute.
Korrikarako kilometroak. Beste alde batetik, gogora ekarri gura izan dute apirilaren 7an Busturialdetik igaroko den Korrikarako kilometroak eskuratzeko aukera badagoela oraindik ere. Gernika eta Bermeoko AEK euskaltegietara jota egin daiteke, baita ere busturialdekoaek@korrika.eus helbidera mezu bat idatzita.
