InnovaTUNAri buruzko informazioa emango dute biharko web mintegia
16:00etan egingo dute web mintegia; parte hartu gura dutenek izena eman beharko dute.
Bermeo Tuna World Capital (BTWC) elkarteak lehenengoz antolatu duen InnovaTUNA ideia lehiaketa gehiago ezagutu gura duten horiek bihar izango dute horretarako aukera. Izan ere lehiaketari buruzko informazio guztia emateko web mintegi antolatu dute; zalantzak argitzeko eta zehaztapenak ezagutzeko aukera ere izango dute parte hartzaileek.
Azaldu dutenez, 16:00etan jarri dute hitzordua. Aipatu web mintegian parte hartu gura dutenek izena eman beharko dute honako estekan: https://bit.ly/3qAsYJl
Lehiaketan parte hartu gura dutenek urtarrilaren 28a dute izena emateko azken eguna; BTWC elkartearen webgunean egin beharko dute. Hala ere, urtarrilaren 31ra arte izango dute proposamenak aurkezteko aukera.
