Zaldi probak asteburuan, Kortezubin
Abenduaren 25ean eta 26an zaldi probak jokatuko dituzte Kortezubin. Hiru parte hartzaile ariko dira saio bakoitzean.
Zapatuan Aulestiko Kobaren zaldia, Guriezoko Fermin Santamariarena eta Samanoko Jose Iturriagarena ariko dira lehian, 20:00etan hasita. Domekan, berriz, Nabarniz Jatetxekoen, Mungiako Garcia Alaben eta Gamizeko Construcciones Torrontegiren arteko dema ikusi ahalko da Kortezubiko probalekuan, 18:00etatik aurrera.
Aurtengo Bizkaiko zaldi proba txapelketan (azaroan lehiatu zuten Getxon) podiumean sartu ziren hiru probalari ariko dira asteburuko saioetan. Garcia geratu zen txapeldun, Torrontegi txapeldunorde eta Koba sailkatu zen hirugarren.
Sariak:
- 1.- Manta, txapelak, garaikurrak eta 750 euro.
- 2.- Garaikurrak eta 650 euro.
- 3.- 600 euro.
- 4.- 550 euro.
- 5.- 500 euro.
- 6.- 450 euro.
