Abenduaren 30era arte parte hartu daiteke Jakin Badakigu lehiaketan
Aurreko lehiaketetan egin modura, parte hartzeko lau galdera "erraz" baino ez dira erantzun beharko.
Busturiko Berbalagun egitasmoak martxan dauka Jakin Badakigu lehiaketa. Parte hartu gura duten horiek abenduaren 30era arte izango dute horretarako aukera.
Aurreko lehiaketetan egin modura, parte hartzeko lau galdera “erraz” baino ez dira erantzun beharko. Arduradunek telefono zenbakia edo helbide elektronikoa eta izena zehaztea eskatu dute, “hartu-emanetan jartzeko”. Hurrengo estekan sartuta parte hartu daiteke: https://labur.eus/erNuE
Azaldu dutenez, lehiaketa amaitzen denean, Busturiko Udalaren webgunean (www.busturia.org) argitaratuko dituzte erantzun zuzenak. Lehiaketan parte hartu duten guztien artean opari bat zozkatuko dute. Lehiaketan parte hartzea “erraza” dela iritzita, herritarrak animatu dituzte parte hartzera.
