Lurgaiak lursail berria berreskuratuko du Ibarrangelun
Merru auzoan egingo dituzte berreskuratze lanak, Eatik oso gertu. Hilaren 16rako ipini dute hitzordua, 09:30ean.
Lurgaia fundazioa lursail berri batean hasiko da lanean, Ibarrangelun. Beraiu berreskuratzen hasteko asmoz, hitzordua ipini du abenduaren 16rako. Hain zuzen, Ibarrangeluko Merru auzoan dagoen lursail bat dela jakinarazi du Lurgaiak, Eatik oso gertu.
09:30ean batuko dira, eta 13:30ak arte ariko dira boluntarioak lanean. Mendiko edota uretako botak eta arropa eramateko eskatu du Lurgaiak, baita kantinplora eta jateko zerbait ere. Berreskuratze lanetan ari diren bitartean maskara jarrita eduki beharko dutela ere zehaztu dute antolatzaileek.
Parte hartu gura duenak izena eman beharko du aldez aurretik, info@lurgaia.org helbidean. Antolatzaileek eskatu dute izen-ematea konfirmatuta dutela egiaztatzeko, eta joan ezin duenak mesedez denboraz abisatzeko.
