Landaketak egingo dituzte asteburuan, Undabason eta Gerezikan
Abenduaren 5ean Undabasora joango dira, eta abenduaren 7an Gerekizera. Aurretiaz izena emateko eskatu dute.
Lurgaia Fundazioak antolatuta, zuhaitz eta zuhaixkak landatuko dituzte asteburuan. Abenduaren 5ean Undabasora joateko hitzordua jarri dute 09:00etan Ibarruriko aparkalekuan, eta Gerekizko San Esteban ermitara joango dira domekan, 09:00etan, Pozuetatik abiatuta.
09:00etatik 13:30ak aldera ariko dira zuhaitz eta zuhaixkak landatzen batean eta bestean. Landaketetan parte hartu gura dutenek izena eman beharko dute info@lurgaia.org helbide elektronikora mezua bidalita. Bertan, parte hartzaileen izen-abizenak, adina, udalerria eta mugikor zenbakia zehaztu beharko dituzte. Adierazi dute konfirmazioa jaso beharko dutela joateko.
Antolatzaileek gomendatu dute mendiko botak eta uretako arropa eramateko, baita ura eta hamaiketakoa eramatea ere. Maskara eramatea derrigorrezkoa izango da. Eskularruak eta tresnak eramateaz, berriz, Lurgaia fundazioa arduratuko da.
