Aimar Olaizola agurtu dute bermeotarrek
Bizkaian lehiatzen zuen azken aldian, Bermeoko zaleen agur beroa jaso zuen; udal ordezkariek omenaldia egin zioten. Zabaleta izan zuen lagun, eta 21-19 nagusitu ziren Urrutikoetxearen eta Albisuren aurka.
Olaizola agurtu zuten atzo bermeotarrek Artza pilotalekuan. Argazkia: Bermeoko Udala. 23 urteko kirol ibilbidea eginda, Olaizola II.ak agur esango dio pilotari datorren azaroaren 13an. Erretiroaren atarian, agurreko hainbat partida jokatzen ari da goizuetarra, eta atzo, Bermeon agurtu zuten Artza pilotalekuan elkartu ziren zaleek. Zaleen agur beroa jaso zuen, eta udal ordezkariek omenaldia egin zioten, herriko oroigarri bat emanez.
Olaizola eta Abaroa oroigarriagaz. Argazkia: Bermeoko Udala.
Olaizolak Bizkaian lehiatzen zuen azken aldian, Zabaleta izan zuen lagun, eta aurrean izan zituen Urrutikoetxea eta Albisu. 21-19 nagusitu ziren Olaizola II.a eta Zabaleta, baina lehiakor aritu ziren Urrutikoetxea eta Albisu. Zabaleta nagusitu zen atzoko partida entretenigarrian, eta Urrutikoetxeak eta Albisuk aurre egin zioten.
Partida hasterako, Artza pilota elkarteko gaztetxoak arduratu ziren Olaizolari ongietorria egiteaz, eta udalak oroigarria eman zion pilotariari. Aurreskua dantzatu zioten, eta zaleek txalo zaparrada luze batekin agurtu zuten goizuetarra partidua amaitutakoan.
Lehenago, baina, Zubizarretak eta Larunbek Larrazabalen eta Uriondoren aurkako partiduak girotu zuen frontoia.
Olaizolaren agur birak Tolosan jarraituko du astelehenean, eta azaroaren 13an, 42 urte betetzen dituenean, amaituko du ibilbide profesionala Goizuetan. Etxean emangio dio amaiera 23 urte, 1.307 partida, 26 final eta 14 txapel jantzi dituen pilotaren aro oparoenetako bati.
Aurreskua dantzatu zioten Olaizolari. Argazkia: Bermeoko Udala.
