Elorrioko igerilekura joateko irteera antolatu dute kortezubitarrek
Abuztuaren 9an Elorrioko igerilekura joateko irteera antolatu dute Kortezubin, eta bertara joan gura duenak hilaren 30a aurretik izena eman beharko du.
Elorrioko igerilekura joateko irteera antolatu dute kortezubitarrek abuztuaren 9rako, eta bertara joan gura dutenek aurretiaz izena eman beharko dute hilaren 30a aurretik. Horretarako, udaleko 94 625 50 53 telefono zenbakira deitu beharko da.
Zehaztu dutenez, igerilekura joateko autobusa 10:20an aterako da herriko parkingetik eta 20:00ak aldera helduko da. Egun osoko jarduera denez, bakoitzak bere bazkaria eta merienda eramateko deia egin dute antolatzaileek: “Maskara ere eraman beharko da, eta COVID-19a dela eta momentuko arauak bete beharko dira. 13:00etan instalazioak libre utzi beharko dira, desinfektazio lanak egiteko”.
Irteera gauzatzeko gutxienez 15 eta gehienez 55 pertsonako taldea sortu beharko da, eta eguraldiaren arabera irteeraren eguna aldatzearen beharra sortu daitekeela adierazi dute.
