Bermeora, oinez eta euskaraz
Busturiko Berbalagunek oinezko txangoa antolatu dute Bermeora.
Busturiko Berbalagun elkarteak astebururako plana dakar: Busturiatik Bermeora joan-etorriko ibilbidea, oinez. Txangoa barikurako antolatu dute, hilaren 2rako. Goizeko 10:00ean, Axpe auzoko tren geltokian geratuko dira, Bermeora oinez hasteko. Itzulerako bidaia, ostera, bi modutara egiteko aukera izango da: trenez nahiz oinez.
Gura duenak, bueltarako trena hartzeko aukera izango du, norberak bere txartela ordainduta. Oinez itzuli nahi duenak, berriz, horretarako aukera ere izango du. Ibilbidea, gutxi gorabehera, 13:30a aldera amaitzeko asmoa dute. Parte hartu gura duenak, 607 609 580 telefono zenbakira deitu beharko du, txangoaren eguna orduko.
