Sei positibo egon dira Sagrado Corazon ikastetxeko baheketan
Zapatuan egindako baheketaren datuak eman ditu ikastetxeak; 660 PCR proba egin zituzten, eta horietatik sei izan dira positiboak.
Zapatuan baheketa egin zuten Bermeoko Sagrado Corazon ikastetxean, eta gaur arratsaldean zabaldu dituzte datuak. Azaldu dutenez, epidemiologiatik jaso dituzte datuak: 660 PCR proba egin zituzten, eta horietatik sei izan dira positiboak.
“Lasaitu ez”, eta neurriak “zorrotz” beteko dituztela azaldu dute ikastetxetik. Elkarlanagaz pandemiari aurre egiten dabiltzala diote. Hala, denen parte hartzea eskertu gura izan dute.
