Olentzeroren saio berezia egiteko neska-mutilen bila dabiltza
Zapatuan egin gura dute hautaketa, eta 2011 eta 2013 urteen bitartean jaiotako neska-mutilak deitu dituzte parte hartzera.
ETB1ek Olentzeroren saio berezi bat eskaini gura du, eta hori prestatzeko lanak egiten dabiltza. Hala, saio berezi horretan parte hartu gura duten neska-mutilak bila dabiltza, eta horretarako, casting-a egingo dute Bermeon.
Jakitera eman dutenez, zapatuan egin gura dute hautaketa, eta 2011 eta 2013 urteen bitartean jaiotako neska-mutilak deitu dituzte parte hartzera. Parte hartu ahal izateko umeek «ezinbestekoa» izango dute euskaraz jakitea. Horrez gain, umeek “grazia” apur bat edukitzea eskatzen dute.
Parte hartu gura dutenek mezu bat bidali beharko dute produccion@katzestudio.com– era, “izenburuan Casting Bermeo” jarrita. Mezuan umearen izen-abizenak, jaiotza data, harremanetarako telefono zenbaki bat eta argazki bat bidali beharko dira. Hauta proba non egingo den posta elektronikoz bidaliko dute baieztapenagaz batera.
